2 Samuel 9:10

Ang Biblia 2011

Ikaw ug ang imong mga anak nga lalaki ug ang imong mga sulugoon mag-uma alang kaniya ug dad-on nimo dinhi ang mga abot aron ang anak sa imong agalon adunay pan nga kaonon, apan si Mefiboset nga anak sa imong agalon, anhi na magkaon kanunay sa akong lamisa.” Ug si Ziba may napulo ug lima ka anak nga lalaki ug 20 ka sulugoon.

Cross References

2 Samuel 16:3

Ug ang hari miingon, “Hain ang anak nga lalaki sa imong agalon?” Ug si Ziba miingon sa hari, “Nagpabilin siya didto sa Jerusalem kay siya miingon, ‘Niining adlawa iuli kanako sa balay sa Israel ang gingharian sa akong amahan.’ ”

2 Samuel 19:18

Ug sila milabang sa suba aron sa pagkuha sa panimalay sa hari ug sa paghimo sa iyang kahimut-an. Ug si Simei nga anak ni Gera mihapa sa atubangan sa hari, sa diha nga ang hari hapit na molabang sa Jordan.

2 Samuel 19:28

Kay ang tibuok balay sa akong amahan sama lamang sa mga tawo nga patyonon sa atubangan sa akong agalon nga hari apan gipahimutang nimo ang imong sulugoon uban kanila nga nagkaon diha sa imong lamisa. Busa unsa pa man ang katungod nga ania kanako aron mohilak pa ako ngadto sa hari?”

2 Samuel 21:7

Apan ang hari mipalingkawas kang Mefiboset nga anak ni Jonatan nga anak ni Saul, tungod sa panumpa sa Ginoo nga diha sa taliwala nila, taliwala ni David ug ni Jonatan nga anak ni Saul.

2 Samuel 9:7

Ug si David miingon kaniya, “Ayaw kahadlok kay ako magpakita kanimo ug kaluoy tungod ug alang kang Jonatan nga imong amahan, ug iuli nako kanimo ang tanang yuta ni Saul nga imong apohan, ug anhi ka na magkaon kanunay sa akong lamisa.”

1 Mga Hari 2:7

Apan pakitai ug kaayo ang mga anak nga lalaki ni Barsilai nga Gileadhanon, ug himoa sila nga kauban niadtong magkaon diha sa imong lamisa, kay ingon sila niana ka ayo kanako sa dihang mikagiw ako gikan kang Absalom nga imong igsoon.

2 Mga Hari 25:29

Busa giilisan ni Jehoiakin ang iyang mga bisti sa bilanggoan. Ug matag adlaw sa iyang kinabuhi nagkan-anan siya diha sa lamisa sa hari;

Jeremias 52:34

Alang sa iyang kinahanglanon, gihatagan siya kanunay sa hari sumala sa iyang gikinahanglan matag adlaw hangtod sa adlaw sa iyang kamatayon, samtang siya buhi pa.

Lucas 14:15

Sa pagkadungog niini sa usa sa mga mitambong sa kan-anan, siya miingon kang Jesus, “Bulahan siya nga magkaon didto sa gingharian sa Dios!”