2 Samuel 9:1

Ang Biblia 2011

Unya si David miingon, “Aduna pa bay nahibilin sa balay ni Saul aron ako makapakita kaniya ug kaluoy tungod ug alang kang Jonathan?”

Cross References

2 Samuel 1:26

Ako nasubo alang kanimo, igsoon ko nga Jonatan; maayo gayod ikaw kanako; ang imong gugma kanako talagsaon, labaw pa sa gugma sa mga babaye,

2 Samuel 21:7

Apan ang hari mipalingkawas kang Mefiboset nga anak ni Jonatan nga anak ni Saul, tungod sa panumpa sa Ginoo nga diha sa taliwala nila, taliwala ni David ug ni Jonatan nga anak ni Saul.

2 Samuel 9:7

Ug si David miingon kaniya, “Ayaw kahadlok kay ako magpakita kanimo ug kaluoy tungod ug alang kang Jonatan nga imong amahan, ug iuli nako kanimo ang tanang yuta ni Saul nga imong apohan, ug anhi ka na magkaon kanunay sa akong lamisa.”

1 Mga Hari 2:7

Apan pakitai ug kaayo ang mga anak nga lalaki ni Barsilai nga Gileadhanon, ug himoa sila nga kauban niadtong magkaon diha sa imong lamisa, kay ingon sila niana ka ayo kanako sa dihang mikagiw ako gikan kang Absalom nga imong igsoon.

Mga Panultihon 27:10

Ayaw talikdi ang imong higala ug ang higala sa imong amahan; ug ayaw pag-adto sa balay sa imong igsoon sa adlaw sa imong kalisdanan. Maayo pa ang silingan nga duol kay sa igsoon nga layo.

Mateo 10:42

Ug si bisan kinsa nga mohatag ug bisan usa na lang ka baso nga bugnawng tubig aron ipainom sa usa niining ubos nakong mga tinun-an tungod kay siya usa ka tinun-an, sa pagkatinuod sultihan ko kamo, dili gayod siya kawad-an sa iyang ganti.”

Mateo 25:40

Unya sa pagtubag ang Hari moingon kanila, ‘Sa pagkatinuod, sultihan ko kamo, ingon nga gibuhat ninyo kini ngadto sa usa sa labing ubos niining akong mga igsoon, gibuhat usab ninyo kini kanako.’

Marcos 9:41

Kay sa pagkatinuod, sultihan ko kamo nga si bisan kinsa nga maghatag kaninyo ug bisan usa ka baso nga tubig aron inyong imnon tungod kay nagdala kamo sa ngalan ni Cristo, dili gayod siya mahikawan sa iyang ganti.

1 Pedro 3:8

Sa kataposan, kamong tanan, kinahanglang mag-usa sa hunahuna, magbinatiay, maghigugmaay ingon nga mga igsoon, maluluy-on, ug mapaubsanon sa hunahuna,

1 Samuel 20:42

Unya si Jonatan miingon kang David, “Lakaw uban ang kalinaw tungod kay kita nakapanumpa na sa ngalan sa Ginoo, nga nag-ingon, ‘Ang Ginoo nagpataliwala kanako ug kanimo ug sa akong kaliwat ug sa imong kaliwat hangtod sa kahangtoran.’ ” Ug siya mitindog ug milakaw ug si Jonatan misulod sa siyudad.