2 Samuel 8:4

Ang Biblia 2011

Ug nakuha ni David gikan kaniya ang usa ka libo ug pito ka gatos ka tigpangabayo, ug 20,000 ka sundalo nga naglakaw, ug gipamiangan ni David ang tanang mga kabayo sa mga karwahi apan nagbilin ug igo sa usa ka gatos ka karwahi.

Cross References

Genesis 49:6

O kalag ko, ayaw pag-apil sa ilang panagtigom, O akong espiritu, ayaw pakigtipon kanila, kay sa ilang kapungot gipatay nila ang mga tawo, ug sa ilang pagkamapatuyangon gipamiangan nila ang mga baka.

1 Mga Hari 10:26

Si Solomon nagtigom ug mga karwahi ug mga tigpangabayo, siya may 1,400 ka karwahi ug 12,000 ka tigpangabayo nga iyang gibutang diha sa mga siyudad sa karwahi ug uban sa hari sa Jerusalem.

1 Cronicas 18:4

Ug si David nagkuha gikan kaniya ug 1,000 ka karwahi, 7,000 ka tigpangabayo, ug 20,000 ka sundalo nga naglakaw ug gipiangan ni David ang tanang mga kabayo sa karwahi apan nagbilin ug igo alang sa usa ka gatos ka karwahi.

Salmo 20:7

Ang uban nagpasigarbo sa mga karwahi, ug ang uban sa mga kabayo; apan kami nagsalig sa ngalan sa Ginoo nga among Dios.

Deuteronomio 17:16

Mao lamang nga kinahanglang dili siya magpadaghan ug mga kabayo alang sa iyang kaugalingon o pabalikon niya ang katawhan ngadto sa Ehipto aron sa pagpadaghan ug mga kabayo kay ang Ginoo nag-ingon kaninyo, ‘Ayaw na gayod kamo pagbalik nianang dalana.’

Josue 11:6

Ang Ginoo miingon kang Josue, “Ayaw kahadlok kanila kay ugma niining taknaa ihatag nako silang tanan nga patay sa atubangan sa Israel. Piangi ang ilang mga kabayo ug sunoga sa kalayo ang ilang mga karwahi.”

Josue 11:9

Ug gibuhat ni Josue ngadto kanila ang gisugo sa Ginoo kaniya. Iyang gipamiangan ang ilang mga kabayo ug gisunog sa kalayo ang ilang mga karwahi.