2 Samuel 8:2

Ang Biblia 2011

Iyang gibuntog ang Moab ug gisukod sila pinaagi sa pisi ug gipahigda sila sa yuta. Ang duha ka laray iyang gisukod aron patyon ug luwason niya ang usa ka laray. Ug ang mga Moabihanon nahimong mga sulugoon ni David ug naghatag ug buhis.

Cross References

2 Samuel 12:31

Iyang gipagawas ang mga tawo nga atua didto ug gipatrabaho sila ginamit ang gabas, ang piko nga puthaw ug ang wasay nga puthaw ug gipatrabaho didto sa hudno nga pagbahanan sa tisa. Mao kini ang iyang gihimo sa tanang mga siyudad sa mga Amonihanon. Ug si David ug ang tanang katawhan mipauli sa Jerusalem.

2 Samuel 8:6

Unya si David nagbutang ug mga sundalo nga bantay sa kuta didto sa Aram sa Damasco, ug ang mga Sirianhon nahimong mga sulugoon ni David ug naghatag ug buhis. Ang Ginoo mihatag ug kadaogan kang David bisan diin siya miadto.

1 Mga Hari 4:21

Ug si Solomon naghari sa tanang mga gingharian gikan sa Euphrates ngadto sa yuta sa mga Filistihanon ug ngadto sa utlanan sa Ehipto. Sila nagdala ug buhis ug nag-alagad kang Solomon sa tanang mga adlaw sa iyang kinabuhi.

2 Mga Hari 1:1

Human sa kamatayon ni Ahab, ang Moab mialsa batok sa Israel.

2 Mga Hari 17:3

Mibatok kaniya si Salmaneser nga hari sa Asiria ug si Hosea nahimo nga iyang sulugoon, ug nagbayad kaniya ug buhis.

1 Cronicas 18:2

Iyang gibuntog ang Moab ug ang mga Moabihanon nahimong mga sulugoon ni David ug nagdala sila ug buhis.

2 Cronicas 26:8

Ang mga Amonihanon nagbuhis kang Uzias, ug ang iyang kabantog miabot bisan ngadto sa utlanan sa Ehipto kay siya nahimong lig-on kaayo.

Salmo 108:9

Ang Moab mao ang akong hunawanan; sa ibabaw sa Edom isalibay nako ang akong sandalyas; mosinggit ako nga madaogon ibabaw sa Filistia.”

Salmo 18:45

Ang mga langyaw nangaluya, ug nanggula nga nagkurog gikan sa ilang mga dapit nga tagoanan.

Salmo 60:10

Wala ba kami nimo isalikway, O Dios? Ikaw, O Dios, wala mouban sa among mga kasundalohan.

Salmo 60:8

Ang Moab mao ang akong hunawanan; diha sa Edom iitsa nako ang akong sandalyas; tungod sa Filistia, mosinggit ako sa kadaogan.”

Salmo 83:6

ang mga tolda sa Edom ug sa mga Ismaelinhon, sa Moab ug sa mga Hagrihanon,

Isaias 36:16

Ayaw pamati kang Hesekias; kay mao kini ang giingon sa hari sa Asiria: Paghimo kamo sa inyong pakigdait uban kanako, ug duol kamo kanako; unya ang matag usa kaninyo magkaon sa iyang kaugalingong paras ug ang matag usa sa iyang kahoy nga igera, ug ang matag usa kaninyo mag-inom sa tubig sa iyang kaugalingong atabay,

Numeros 24:17

nakita nako siya apan dili karon; nasud-ong nako siya, apan dili sa duol— adunay bituon nga moabot gikan kang Jacob, ug usa ka sitro motindog gikan sa Israel, ug magdugmok sa mga utlanan sa Moab, ug maglaglag sa tanang mga anak ni Set.

1 Samuel 10:27

Apan ang ubang mga tawo nga walay pulos nag-ingon, “Unsaon man niining tawhana pagluwas kanato?” Ug ilang gitamay siya ug wala magdala kaniya ug gasa. Apan nagpakahilom lamang siya.

1 Samuel 14:47

Sa diha nga si Saul nakadawat na sa gingharian sa Israel, nakigbatok siya sa tanan niyang mga kaaway nga anaa sa matag kilid, batok sa Moab, batok sa mga Amonihanon, batok sa Edom, batok sa mga hari sa Zoba ug batok sa mga Filistihanon; bisan asa siya paingon, iyang gibutang sila sa pagkaalaot.

1 Samuel 22:3

Unya si David milakaw gikan didto ngadto sa Mispa sa Moab, ug siya miingon sa hari sa Moab, “Ako naghangyo kanimo, itugot nga ang akong amahan ug ang akong inahan magpabilin uban kanimo, hangtod nga mahibalo ako sa buhaton sa Dios kanako.”

1 Samuel 22:4

Ug gibilin niya sila sa hari sa Moab, ug sila nagpuyo uban kaniya sa tibuok panahon samtang si David diha sa sulod sa kuta.