2 Samuel 8:14

Ang Biblia 2011

Ug siya nagbutang ug mga sundalo nga bantay sa kuta didto sa Edom, sa tibuok Edom siya nagbutang ug mga sundalo nga bantay sa kuta, ug ang tanang mga Edomhanon nahimong mga sulugoon ni David. Ug ang Ginoo mihatag ug kadaogan kang David, bisan diin siya miadto.

Cross References

Genesis 25:23

Ug ang Ginoo mitubag kaniya, “Adunay duha ka nasod sa imong taguangkan, ug ang duha ka katawhan nga mangatawo gikan kanimo magkabahin, ang usa kusgan kay sa usa ug ang magulang mag-alagad sa manghod.”

Genesis 27:29

Mag-alagad kanimo ang mga katawhan, ug ang mga nasod mangyukbo kanimo. Mahimo ikaw nga agalon sa imong mga igsoon, ug mangyukbo unta kanimo ang mga anak sa imong inahan. Matinunglo unta ang magtunglo kanimo, ug mapanalanginan ang nagpanalangin kanimo!”

2 Samuel 5:10

Ug si David nag-anam ug kabantogan kay ang Ginoo, ang Dios sa mga panon nag-uban man kaniya.

2 Samuel 7:9

Ug giubanan ko ikaw bisan diin ikaw moadto, ug gipuo nako ang tanan nimong mga kaaway gikan sa imong atubangan, ug himoon nakong bantogan ang imong ngalan sama sa ngalan sa mga bantogang tawo sa kalibotan.

2 Samuel 8:15

Busa si David naghari sa tibuok nga Israel, ug si David nagpahamtang ug hustisya ug kaangayan sa tanan niyang katawhan.

2 Samuel 8:6

Unya si David nagbutang ug mga sundalo nga bantay sa kuta didto sa Aram sa Damasco, ug ang mga Sirianhon nahimong mga sulugoon ni David ug naghatag ug buhis. Ang Ginoo mihatag ug kadaogan kang David bisan diin siya miadto.

1 Mga Hari 11:15

Kay sa diha nga si David didto sa Edom, ug si Joab, ang tigmando sa kasundalohan mitungas aron sa paglubong sa gipamatay, iyang gipatay ang tanang lalaki sa Edom,

1 Mga Hari 22:47

Walay hari sa Edom. Usa ka tinugyanan ang naghari.

1 Mga Hari 22:48

Si Jehosafat naghimo ug mga barko sa Tarsis aron sa pag-adto sa Ofir sa pagkuha ug bulawan. Apan wala sila makaadto, kay ang mga barko nangaguba didto sa Esion-geber.

2 Mga Hari 14:7

Napulo ka libo ka Edomhanon ang iyang gipamatay didto sa Walog sa Asin, ug giilog ang Sela pinaagi sa pagsulong, ug gitawag kini ug Jokteel ug hangtod karon mao kini ang ngalan.

2 Mga Hari 18:7

Ug ang Ginoo nag-uban kaniya ug bisan asa siya moadto, siya nagmauswagon. Ug siya mialsa batok sa hari sa Asiria ug wala moalagad kaniya.

1 Cronicas 18:13

Ug siya nagbutang ug mga bantay nga sundalo didto sa Edom ug ang tanang Edomhanon nangahimong alagad ni David. Ug ang Ginoo naghatag ug kadaogan kang David bisan diin siya miadto.

Salmo 60:1

O Dios, ikaw nagsalikway kanamo, nagbungkag kanamo; Nasuko ikaw; O ipahiuli kami.