2 Samuel 8:10

Ang Biblia 2011

gipaadto ni Toi ang iyang anak nga si Joram ngadto kang Hari David, aron sa pagyukbo kaniya ug pagpahalipay kaniya, tungod kay siya nakig-away batok kang Hadadeser ug nabuntog siya. Si Hadadeser kanunayng nakig-away batok kang Toi. Ug si Joram nagdala ug mga kasangkapan nga plata, bulawan ug kasangkapan nga bronsi.

Cross References

Genesis 43:27

Ug siya nangutana kanila mahitungod sa ilang kahimtang ug miingon, “Ang inyong amahan, ang tigulang nga giingon ninyo, maayo ba siya? Buhi pa ba siya?”

2 Samuel 8:11

Kini usab gihalad ni Hari David ngadto sa Ginoo, uban sa tanang mga plata ug bulawan nga iyang gihalad gikan sa tanang mga nasod nga iyang nabuntog,

2 Samuel 8:9

Sa diha nga si Toi nga hari sa Hamat nakadungog nga gibuntog ni David ang tibuok kasundalohan ni Hadadeser,

1 Mga Hari 1:47

Ug dugang pa, ang mga sulugoon sa hari miadto aron sa pagpahalipay sa atong agalon nga si Hari David, nga nag-ingon, ‘Ang imong Dios maghimo unta sa ngalan ni Solomon nga bantogan pa kay sa imong ngalan, ug maghimo unta sa iyang trono nga gamhanan pa kay sa imong trono.’ Ug ang hari miyukbo diha sa higdaanan.

1 Cronicas 18:10

iyang gipaadto ang iyang anak nga lalaki nga si Hadoram ngadto kang Hari David aron sa paghimamat kaniya ug sa pagpahalipay kaniya tungod kay siya nakig-away man batok kang Hadadeser ug gibuntog kini niya, kay si Hadadeser kanunay mang nakiggubat kang Tou, ug siya nagpadala ug nagkalainlaing butang nga bulawan, plata ug bronsi.

2 Cronicas 32:23

Daghan ang nagdala ug mga gasa ngadto sa Ginoo sa Jerusalem ug mga bililhon nga butang ngadto kang Hesekias nga hari sa Juda mao nga siya nabayaw diha sa mga mata sa tanang mga nasod sukad niadtong panahona.

Salmo 129:8

samtang kadtong molabay dili moingon, “Ang panalangin sa Ginoo maanaa unta kaninyo! Magpanalangin kami kaninyo sa ngalan sa Ginoo!”

Isaias 39:1

Niadtong panahona si Merodac-baladan nga anak ni Baladan, hari sa Babilonia, mipadala ug mga sinugo nga nagdala ug mga sulat ug gasa ngadto kang Hesekias, kay siya nakadungog nga siya nasakit ug naayo na.

1 Samuel 13:10

Sa pagkahuman niya ug halad sa halad nga sunogon, si Samuel miabot ug si Saul migula aron sa pagtagbo kaniya, ug paghatag kaniya ug katahoran.