2 Samuel 7:9

Ang Biblia 2011

Ug giubanan ko ikaw bisan diin ikaw moadto, ug gipuo nako ang tanan nimong mga kaaway gikan sa imong atubangan, ug himoon nakong bantogan ang imong ngalan sama sa ngalan sa mga bantogang tawo sa kalibotan.

Cross References

Genesis 12:2

Ug akong buhaton gikan kanimo ang usa ka dako nga nasod, ug ikaw panalanginan nako ug himoong bantogan ang imong ngalan, aron ikaw mahimo nga usa ka panalangin.

2 Samuel 22:1

Si David misulti ngadto sa Ginoo sa mga pulong niining awit sa adlaw nga ang Ginoo nagluwas kaniya gikan sa kamot sa tanan niyang mga kaaway ug gikan sa kamot ni Saul.

2 Samuel 22:30

Kay pinaagi kanimo ako makadugmok ug usa ka panon nga sundalo, ug pinaagi sa akong Dios ako makalayat sa usa ka kuta.

2 Samuel 22:43

Gidugmok nako sila sama sa abog sa yuta, giyatakyatakan ug gitumban nako sila sama sa lapok sa kadalanan.

2 Samuel 23:1

Mao kini ang kataposang mga pulong ni David: Ang pulong ni David nga anak ni Jesse, ang pulong sa tawo nga gibayaw sa itaas, ang dinihogan sa Dios ni Jacob ug ang minahal nga salmista sa Israel,

2 Samuel 5:10

Ug si David nag-anam ug kabantogan kay ang Ginoo, ang Dios sa mga panon nag-uban man kaniya.

2 Samuel 8:13

Ug nabantog ang ngalan ni David. Ug sa pagpauli niya nakapatay siya ug napulo ug walo ka libo ka Edomhanon didto sa walog sa Asin.

2 Samuel 8:14

Ug siya nagbutang ug mga sundalo nga bantay sa kuta didto sa Edom, sa tibuok Edom siya nagbutang ug mga sundalo nga bantay sa kuta, ug ang tanang mga Edomhanon nahimong mga sulugoon ni David. Ug ang Ginoo mihatag ug kadaogan kang David, bisan diin siya miadto.

2 Samuel 8:6

Unya si David nagbutang ug mga sundalo nga bantay sa kuta didto sa Aram sa Damasco, ug ang mga Sirianhon nahimong mga sulugoon ni David ug naghatag ug buhis. Ang Ginoo mihatag ug kadaogan kang David bisan diin siya miadto.

1 Cronicas 17:8

Ug ako nag-uban kanimo bisan diin ikaw miadto ug gipuo ang tanan nimong kaaway gikan sa imong atubangan. Himoon nakong bantogan ang imong ngalan sama sa ngalan sa mga bantogang tawo diha sa yuta.

Salmo 21:6

Gihimo nimo siya nga labing bulahan hangtod sa kahangtoran; gihimo nimo siyang malipayon sa kalipay sa imong presensiya.

Salmo 89:23

Akong pulpogon ang iyang mga kaaway sa atubangan niya, ug pukanon nako ang mga nagdumot kaniya.

Lucas 1:52

Iyang gipakanaog ang mga gamhanan gikan sa ilang mga trono, ug iyang gituboy ang mga ubos ug kahimtang,

Josue 6:27

Busa ang Ginoo nag-uban kang Josue ug ang iyang kabantog nasangyaw sa tibuok nga yuta.

1 Samuel 18:14

Si David nagmalamposon sa tanan niyang gibuhat kay ang Ginoo nag-uban man kaniya.

1 Samuel 18:30

Unya ang mga pangulo sa mga Filistihanon nanggula aron sa pagpakiggubat, ug unsa ka daghan ang ilang paghimo niini, mao usab ka daghan ang kalamposan ni David kay sa mga sulugoon si Saul, nga tungod niini ang iyang ngalan nabantog pag-ayo.

1 Samuel 2:8

Siya magbangon sa kabos gikan sa abog; siya magtuboy sa timawa gikan sa tapok sa abo, aron palingkoron sila uban sa mga pangulo, ug manunod sa trono sa himaya. Kay ang mga haligi sa yuta iya sa Ginoo, ug diha niini iyang gipahimutang ang kalibotan.

1 Samuel 31:6

Busa si Saul namatay, ug ang iyang tulo ka anak nga lalaki, ug ang iyang tigdala sa hinagiban, ug ang tanan niyang mga tawo niadtong adlawa.

1 Samuel 5:10

Busa ilang gipadala ang sudlanan sa kasabotan sa Dios ngadto sa Ekron. Ug sa diha nga ang sudlanan sa kasabotan sa Dios didto sa Ekron, ang mga tawo sa Ekron naninggit, “Gidala nila ang sudlanan sa kasabotan sa Dios sa Israel kanato aron sa pagpatay kanato ug sa atong katawhan.”