2 Samuel 7:8

Ang Biblia 2011

Busa karon mao kini ang imong isulti ngadto sa akong alagad nga si David, ‘Kini mao ang gisulti sa Ginoo sa mga panon: Gikuha ko ikaw gikan sa sibsibanan, gikan sa pagsunod sa mga karnero, aron ikaw mahimong pangulo sa akong katawhan nga Israel.

Cross References

2 Samuel 12:7

Si Natan miingon kang David, “Ikaw mao ang tawo. Kini mao ang gisulti sa Ginoo, ang Dios sa Israel, ‘Ako nagdihog kanimo ingon nga hari sa Israel ug ako nagluwas kanimo gikan sa kamot ni Saul.

2 Samuel 14:13

Ug ang babaye miingon, “Nganong nagplano ikaw sa maong butang batok sa katawhan sa Dios? Kay sa paghimo niining hukoma, ang hari nagpaila nga siya sad-an, kay ang hari wala magpapauli sa iyang anak nga gipakagiw.

2 Samuel 23:1

Mao kini ang kataposang mga pulong ni David: Ang pulong ni David nga anak ni Jesse, ang pulong sa tawo nga gibayaw sa itaas, ang dinihogan sa Dios ni Jacob ug ang minahal nga salmista sa Israel,

2 Samuel 24:17

Unya si David misulti sa Ginoo sa diha nga nakita niya ang anghel nga mihampak sa katawhan ug miingon, “Ako nakasala ug ako nakahimo ug daotan, apan kining mga karnero, unsay ilang nabuhat? Ako naghangyo kanimo, himoa nga ang imong kamot makigbatok kanako ug makigbatok sa balay sa akong amahan.”

2 Samuel 5:2

Sa mga panahon nga nangagi sa diha nga si Saul mao pa ang hari sa ibabaw namo, ikaw mao ang nagmando sa paggula ug sa pagsulod sa Israel, ug ang Ginoo miingon kanimo, ‘Ikaw mahimong tigbantay sa akong katawhan nga Israel ug ikaw ang mahimong pangulo sa Israel.’ ”

2 Samuel 6:21

Ug si David miingon kang Mical, “Gihimo nako kini atubangan sa Ginoo nga nagpili kanako labaw sa imong amahan, ug labaw sa tibuok niyang balay, aron sa pagtudlo kanako ingon nga pangulo sa katawhan sa Ginoo, sa Israel, busa naghudyaka ako atubangan sa Ginoo.

1 Mga Hari 3:6

Ug si Solomon miingon, “Ikaw nagpakita ug dako ug walay paglubad nga gugma ngadto sa imong sulugoon nga si David nga akong amahan tungod kay naglakaw siya sa atubangan nimo diha sa pagkamatinumanon, sa pagkamatarong, sa katul-id sa kasingkasing uban kanimo, ug ikaw nagtagana alang kaniya niining dako ug walay paglubad nga gugma ug naghatag kaniya ug usa ka anak nga lalaki aron molingkod sa iyang trono niining adlawa.

1 Mga Hari 8:16

‘Sukad sa adlaw nga gidala nako ang akong katawhan nga Israel gikan sa Ehipto, ako wala magpili ug siyudad gikan sa tanang mga banay sa Israel aron sa pagtukod ug usa ka balay aron ang akong ngalan pasidunggan didto, kondili akong gipili si David aron magdumala sa akong katawhan nga Israel.’

1 Cronicas 17:7

Busa karon mao kini ang imong isulti ngadto sa akong alagad nga si David, ‘Mao kini ang giingon sa Ginoo sa mga panon: Gikuha ikaw nako gikan sa sibsibanan, gikan sa pagsunod sa mga karnero, aron ikaw mahimong pangulo sa akong katawhan nga Israel.

1 Cronicas 21:17

Ug si David miingon sa Dios, “Dili ba ako ang nagsugo sa pag-ihap sa katawhan? Ako mao ang nakasala ug naghimo ug hilabihan ka daotan, apan kining mga karnero, unsay ilang nabuhat? Nangamuyo ako kanimo, O Ginoo nga akong Dios himoa nga ang imong kamot batok kanako ug sa balay sa akong amahan apan ayaw itugot nga ang katalagman mahiadto sa imong katawhan.”

Amos 7:15

ug gikuha ako sa Ginoo gikan sa pagsunod sa panon, ug ang Ginoo miingon kanako, ‘Lakaw, pagpropesiya ngadto sa akong katawhan nga Israel.’

Mga Buhat 7:46

nga nakakita ug kahimuot sa atubangan sa Dios ug naghangyo nga tugotan siya sa pagpangita ug puluy-anan alang sa Dios ni Jacob.

1 Samuel 10:1

Unya si Samuel mikuha ug usa ka gamayng tibod nga lana ug mibubo niini diha sa ulo ni Saul, ug mihalok kaniya ug miingon, “Wala ba magdihog kanimo ang Ginoo aron mahimong pangulo sa iyang katawhan nga Israel? Ikaw maghari ibabaw sa katawhan sa Ginoo ug magluwas kanila gikan sa mga kaaway nga naglibot kanila. Ug kini mao ang ilhanan kanimo nga ang Ginoo nagdihog kanimo nga mahimong pangulo ibabaw sa iyang panulundon.

1 Samuel 2:8

Siya magbangon sa kabos gikan sa abog; siya magtuboy sa timawa gikan sa tapok sa abo, aron palingkoron sila uban sa mga pangulo, ug manunod sa trono sa himaya. Kay ang mga haligi sa yuta iya sa Ginoo, ug diha niini iyang gipahimutang ang kalibotan.

1 Samuel 9:16

“Ugma sa mga ingon niining taknaa padad-an ko ikaw ug usa ka tawo gikan sa yuta sa Benjamin, ug ikaw magdihog kaniya ingon nga pangulo ibabaw sa akong katawhan nga Israel. Siya mao ang moluwas sa akong katawhan gikan sa kamot sa mga Filistihanon, kay akong nakita ang akong katawhan tungod kay ang ilang pagtuaw midangat kanako.”