2 Samuel 7:3

Ang Biblia 2011

Ug si Nathan miingon sa hari, “Lakaw, buhata ang tanan nga anaa sa imong kasingkasing kay ang Ginoo anaa uban kanimo.”

Cross References

2 Samuel 7:4

Apan niadtong gabhiona ang pulong sa Ginoo miabot kang Natan,

1 Mga Hari 1:8

Apan si Zadok nga pari ug si Benaias anak ni Jehoiada ug si Natan nga propeta ug si Semei ug Rei, ug ang kusgan nga mga tawo ni David wala manguban kang Adonias.

2 Mga Hari 4:27

Ug sa pag-abot niya ngadto sa tawo sa Dios didto sa bungtod, iyang gikuptan ang tiil niini. Ug si Gihasi mipaduol aron sa pagtukmod kaniya palayo apan ang tawo sa Dios miingon, “Pasagdi siya, kay anaa siya sa dakong kagul-anan ug ang Ginoo nagtago niini gikan kanako ug wala magsugilon kanako.”

1 Cronicas 22:7

Si David miingon kang Solomon, “Akong anak, dako ang tinguha sa akong kasingkasing sa pagtukod ug usa ka balay sa ngalan sa Ginoo nga akong Dios.

1 Cronicas 28:2

Unya si David nga hari mitindog ug miingon, “Pamatia ako, akong kaigsoonan ug akong katawhan. Ania gayod sa akong kasingkasing ang pagtukod ug usa ka balay nga pahulayanan alang sa sudlanan sa kasabotan sa Ginoo, ug alang sa tumbanan sa atong Dios, ug naghimo ako ug pagpangandam alang sa pagtukod.

1 Cronicas 29:29

Karon ang mga buhat ni David nga hari, gikan sa sinugdan ngadto sa kataposan, gisulat diha sa kasaysayan ni Samuel nga propeta, ug diha sa kasaysayan ni Natan nga propeta, ug diha sa kasaysayan ni Gad nga propeta,

2 Cronicas 29:25

Iyang gipahimutang ang mga Levihanon diha sa balay sa Ginoo uban sa mga piyangpiyang, mga alpa, ug mga lira sumala sa sugo ni David ug ni Gad nga propeta sa hari ug ni Natan nga propeta, kay ang sugo gikan sa Ginoo pinaagi sa iyang mga propeta.

Salmo 20:4

Hatagan unta ikaw sa gitinguha sa imong kasingkasing, ug tumanon ang tanan nimong laraw!

Salmo 37:4

Paglipay diha sa Ginoo, ug siya maghatag kanimo sa mga tinguha sa imong kasingkasing.

1 Juan 2:27

hinuon ang pagdihog nga inyong nadawat gikan kaniya nagpabilin diha kaninyo ug kamo wala magkinahanglan nga aduna pay magtudlo kaninyo, ug ingon nga ang iyang pagdihog kaninyo nagtudlo man kaninyo mahitungod sa tanang butang, ug matuod kini ug dili bakak, sumala sa gitudlo niya kaninyo, pabilin kamo diha kaniya.

1 Samuel 10:7

Unya sa diha nga kining mga ilhanan moabot na kanimo, buhata ang bisan unsa nga makaplagan sa imong kamot nga buhaton, kay ang Dios nag-uban kanimo.

1 Samuel 14:7

Ug ang tigdala sa iyang hinagiban miingon kaniya, “Buhata ang tanang anaa sa imong kasingkasing, ania ako nag-uban kanimo sumala sa anaa sa imong kasingkasing.”

1 Samuel 16:7

Apan ang Ginoo miingon kang Samuel, “Ayaw pagtan-aw sa iyang nawong o sa gitas-on sa iyang barog tungod kay ako nagsalikway kaniya, kay ang Ginoo nagtan-aw dili ingon sa makita sa tawo, kay ang tawo nagtan-aw sa panagway sa gawas apan ang Ginoo nagtan-aw sa kasingkasing.”