2 Samuel 7:24

Ang Biblia 2011

Imong gilig-on alang kanimo ang imong katawhan nga Israel, aron mahimong imong katawhan hangtod sa kahangtoran ug ikaw, O Ginoo, nahimong ilang Dios.

Cross References

Genesis 17:7

Ug himoon nako ang akong kasabotan tali kanako ug kanimo ug sa imong mga kaliwat sunod kanimo sa tanan nilang kaliwatan alang sa usa ka kasabotan nga dayon aron ako mahimong Dios nganha kanimo ug sa imong kaliwatan sunod kanimo.

Genesis 17:8

Ug ihatag nako nganha kanimo ug sa imong kaliwatan nga sunod kanimo ang yuta diin ikaw milangyaw, ang tibuok nga yuta sa Canaan aron mapanag-iya ninyo sa dayon, ug ako mahimo nga ilang Dios.”

2 Samuel 7:23

Unsa mang nasora sa kalibotan nga sama sa imong katawhan nga Israel nga giadto sa Dios aron lukaton aron mahimong iyang katawhan, naghimo kaniya ug usa ka ngalan, ug nagbuhat alang kanila ug dagko ug makalilisang nga mga butang pinaagi sa pag-abog sa atubangan sa iyang katawhan sa mga nasod ug sa ilang mga diosdios?

2 Samuel 7:25

Ug karon, O Ginoong Dios, pamatud-i hangtod sa kahangtoran ang pulong nga imong gisulti mahitungod sa imong sulugoon ug mahitungod sa iyang balay, ug buhata kini sumala sa imong gisulti.

1 Cronicas 17:22

Ikaw naghimo sa imong katawhan nga Israel nga mahimong imong katawhan hangtod sa kahangtoran ug ikaw, O Ginoo, nahimo nga ilang Dios.

Salmo 48:14

nga kini mao ang Dios, atong Dios hangtod sa kahangtoran. Siya mao ang atong magmamando hangtod sa kahangtoran.

Exodo 15:2

Ang Ginoo mao ang akong kusog ug akong awit, ug siya nahimo nga akong kaluwasan; kini mao ang akong Dios, ug ako magdayeg kaniya, ang Dios sa akong katigulangan, ug pasidunggan nako siya.

Exodo 6:7

Kuhaon ko kamo ingon nga akong katawhan ug ako mahimo nga inyong Dios. Ug kamo mahibalo nga ako, ang Ginoo nga inyong Dios, nagpagula kaninyo gikan sa mga kabug-at nga gipapas-an kaninyo sa mga Ehiptohanon.

Isaias 12:2

“Sa pagkatinuod ang Dios mao ang akong kaluwasan; ako mosalig, ug dili mahadlok kay ang Ginoong Dios mao ang akong kusog ug ang akong awit, ug siya nahimo nga akong kaluwasan.”

Jeremias 31:1

“Nianang panahona, nag-ingon ang Ginoo, ako mahimong Dios sa tanang mga banay sa Israel, ug sila mahimo nga akong katawhan.”

Jeremias 31:33

Apan kini mao ang kasabotan nga akong buhaton uban sa balay sa Israel human niadtong mga adlawa, nag-ingon ang Ginoo: Ibutang nako ang akong balaod sulod kanila ug isulat kini diha sa ilang mga kasingkasing; ug ako mahimo nga ilang Dios, ug sila mahimo nga akong katawhan.

Jeremias 32:38

Ug sila mahimo nga akong katawhan, ug ako mahimo nga ilang Dios.

Oseas 1:10

Bisan pa niana ang gidaghanon sa katawhan sa Israel mahisama sa balas sa dagat, nga dili matakos o maihap, ug sa dapit diin kini gisulti kanila, “Kamo dili akong katawhan,” kini isulti kanila “Mga anak sa buhi nga Dios.”

Zacarias 13:9

Ug itambog nako kining ikatulong bahin ngadto sa kalayo, ug lunsayon kini sama sa usa ka tawo nga maglunsay ug plata, ug magsulay kanila sama sa pagsulay sa bulawan. Sila magsangpit sa akong ngalan ug ako motubag kanila. Ako moingon, ‘Sila akong katawhan,’ ug sila moingon, ‘Ang Ginoo mao ang akong Dios.’ ”

Juan 1:12

Apan ngadto sa tanang midawat kaniya, sa mga mituo sa iyang ngalan, naghatag siya kanila ug katungod sa pagkahimong mga anak sa Dios,

Deuteronomio 26:18

Ug ang Ginoo nagsulti niining adlawa nga kamo mao ang katawhan alang kaniya sumala sa iyang gisaad kaninyo ug nga kinahanglang magtuman kamo sa tanan niyang sugo

Deuteronomio 27:9

Ug si Moises ug ang mga pari nga mga Levihanon miingon sa tibuok nga Israel, “Panghilom kamo ug pamati, O Israel! Niining adlawa nahimo kamong katawhan sa Ginoo nga inyong Dios.

Deuteronomio 32:6

Mao ba kini ang ibalos ninyo sa Ginoo, O katawhan nga buangbuang ug hungog? Dili ba siya mao ang imong amahan nga nagbuhat kanimo, ang nagbuhat ug naglig-on kanimo

1 Pedro 2:10

Kaniadto kamo dili katawhan sa Dios, apan karon kamo katawhan na sa Dios; kaniadto kamo wala kaluy-i, apan karon kamo gikaluy-an na.