2 Samuel 7:19

Ang Biblia 2011

Ug kini usa lamang ka gamay nga butang sa imong mga mata, O Ginoong Dios, ikaw nagsulti usab mahitungod sa balay sa imong sulugoon alang sa taas nga panahon nga umaabot, ug gipakita nimo kanako ang umaabot nakong mga kaliwat, O Ginoong Dios!

Cross References

2 Samuel 12:8

Ako naghatag kanimo sa balay sa imong agalon, ug ang mga asawa sa imong agalon diha sa imong sabakan ug naghatag ako kanimo sa balay sa Israel ug sa Juda, ug kon kini diyotay ra gayod dugangan ko pa kini ug daghan pa.

2 Mga Hari 3:18

Usa lamang kini ka sayon nga butang sa panan-aw sa Ginoo. Itugyan usab niya ang mga Moabihanon nganha sa inyong kamot,

1 Cronicas 17:17

Ug kini usa ka gamay nga butang sa imong mga mata, O Dios, apan ikaw misulti usab mahitungod sa balay sa imong alagad sa usa ka dugayng panahon nga moabot, ug giisip nimo ako ingon nga tawong halangdon, O Ginoong Dios!

Salmo 36:7

Pagkabililhon sa imong gugmang walay paglubad, O Dios! Ang mga anak sa katawhan midangop ilalom sa landong sa imong mga pako.

Ezequiel 34:18

Dili pa ba igo kaninyo ang pagsibsib diha sa maayong sibsibanan, nga gitumban man ninyo ang ubang bahin sa inyong sibsibanan, ug ang pag-inom sa tin-aw nga tubig nga lubogon man ninyo ang uban sa inyong mga tiil?

Numeros 16:13

Gamay ba lamang kini nga butang nga gidala nimo kami gikan sa usa ka yuta diin nag-agas ang gatas ug dugos aron sa pagpatay kanamo dinhi sa kamingawan, nga ikaw maghimo pa gayod sa imong kaugalingon nga pangulo ibabaw kanamo?

Numeros 16:9

Daw gamay ba lamang nga butang alang kaninyo nga ang Dios sa Israel naggahin kaninyo gikan sa katilingban sa Israel, sa pagdala kaninyo duol ngadto kaniya, sa pag-alagad sa Tolda sa Ginoo ug sa pagbarog sa atubangan sa katilingban aron sa pag-alagad kanila,

Mga Taga-Efeso 2:7

aron nga sa mga katuigan nga umaabot ang Dios makapadayag sa dili masukod nga kadato sa iyang grasya agig kaluoy nganhi kanato diha kang Cristo Jesus.

Josue 5:14

Ug siya miingon, “Dili, apan ingon nga tigmando sa kasundalohan sa Ginoo, mianhi ako karon.” Ug si Josue mihapa sa yuta ug misimba ug miingon kaniya, “Unsa ba ang isugo sa akong agalon ngadto sa iyang ulipon?”