2 Samuel 7:13

Ang Biblia 2011

Magtukod siya ug usa ka balay alang sa akong ngalan, ug lig-onon nako ang trono sa iyang gingharian hangtod sa kahangtoran.

Cross References

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

2 Samuel 22:51

Mga dagkong kadaogan ang iyang gihatag sa iyang hari, ug gipakita niya ang gugmang walay paglubad ngadto sa iyang dinihogan, kang David ug sa iyang mga kaliwat hangtod sa kahangtoran.”

2 Samuel 7:16

Ug ang imong balay ug ang imong gingharian himoong lig-on hangtod sa kahangtoran sa imong atubangan; ang imong trono lig-onon hangtod sa kahangtoran.’ ”

2 Samuel 7:27

Kay ikaw, O Ginoo sa mga panon, ang Dios sa Israel, mipadayag niini ngadto sa imong sulugoon nga nag-ingon, ‘Ako magtukod alang kanimo ug usa ka balay,’ busa ang imong alagad nakabaton ug kaisog sa paghimo niining pag-ampo kanimo.

1 Mga Hari 2:24

Busa karon, ingon nga ang Ginoo buhi, nga maoy nagpalig-on kanako ug nagpalingkod kanako sa trono ni David nga akong amahan ug maoy nagbuhat kanako ug usa ka balay sumala sa iyang gisaad, kinahanglang patyon gayod si Adonias niining adlawa.”

1 Mga Hari 2:4

aron tumanon sa Ginoo ang iyang gipamulong mahitungod kanako, nga nag-ingon, ‘Kon ang imong mga anak magmatngon sa ilang dalan, maglakaw nga magmatinumanon sa atubangan nako sa tibuok nilang kasingkasing ug sa tibuok nilang kalag, walay makulang kanimo nga usa ka tawo diha sa trono sa Israel.’

1 Mga Hari 2:45

Apan si Hari Solomon mahimong bulahan ug ang trono ni David mahimong lig-on sa atubangan sa Ginoo hangtod sa kahangtoran.”

1 Mga Hari 5:5

Busa ako nagtinguha sa pagtukod ug usa ka balay alang sa ngalan sa Ginoo nga akong Dios, sumala sa gisulti sa Ginoo kang David nga akong amahan, ‘Ang imong anak nga akong ibutang sa trono puli kanimo mao ang magtukod sa balay alang sa akong ngalan.’

1 Mga Hari 6:12

“Mahitungod niining balay nga imong gitukod, kon ikaw maglakaw diha sa akong mga lagda ug magtuman sa akong mga tulumanon, ug magbantay sa tanan nakong mga sugo ug maglakaw diha niini, lig-onon nako ang akong pulong uban kanimo nga akong gisulti kang David nga imong amahan.

1 Mga Hari 8:13

Ako nagtukod alang kanimo ug usa ka matahom nga balay, usa ka dapit nga imong kapuy-an hangtod sa kahangtoran.”

1 Mga Hari 8:15

Ug siya miingon, “Bulahan ang Ginoo, ang Dios sa Israel nga pinaagi sa iyang kamot nagtuman sa iyang gisaad ngadto kang David nga akong amahan, nga nag-ingon,

1 Mga Hari 8:19

Bisan pa niana ikaw dili magtukod sa balay kondili ang imong anak nga matawo kanimo. Siya mao ang magtukod sa balay alang sa akong ngalan.’

2 Mga Hari 21:4

Ug siya nagtukod ug mga halaran diha sa balay sa Ginoo nga niini ang Ginoo miingon, “Sa Jerusalem nako ibutang ang akong ngalan.”

2 Mga Hari 21:7

Ang kinulit nga larawan ni Asera nga iyang gibuhat, iyang gibutang sa balay diin ang Ginoo miingon kang David ug kang Solomon nga iyang anak, “Niining balaya ug sa Jerusalem nga akong gipili sa tibuok nga banay sa Israel, ibutang nako ang akong ngalan hangtod sa kahangtoran,

2 Mga Hari 8:19

Bisan pa niini ang Ginoo dili maglaglag sa Juda, tungod lamang kang David nga iyang alagad, kay siya nagsaad sa paghatag ug usa ka lampara kaniya ug sa iyang mga anak hangtod sa kahangtoran.

1 Cronicas 28:10

Pamati karon kay ang Ginoo nagpili kanimo sa pagtukod ug usa ka balay alang sa balaang puluy-anan, pagmakusganon ug buhata kini.”

2 Cronicas 33:4

Siya nagtukod ug mga halaran diha sa balay sa Ginoo diin ang Ginoo miingon, “Sa Jerusalem anha ang akong ngalan hangtod sa kahangtoran.”

2 Cronicas 6:16

Busa karon, O Ginoo, ang Dios sa Israel, tumana pinaagi sa imong alagad nga si David nga akong amahan ang imong gisaad kaniya, nga nag-ingon, ‘Walay makulang kanimo nga usa ka tawo sa akong atubangan aron sa paglingkod sa trono sa Israel, kon ang imong mga anak magbantay lamang sa ilang dalan, sa paglakaw subay sa akong balaod ingon nga ikaw naglakaw sa akong atubangan.’

Job 36:7

Dili niya kuhaon ang iyang mga mata gikan sa mga matarong, apan sa mga hari nga anaa sa trono iyang ipahiluna sila sa walay kataposan ug sila ituboy.

Salmo 72:17

Ang iyang ngalan molungtad unta hangtod sa kahangtoran, ang iyang ngalan magpadayon unta ingon nga nagpadayon pa ang adlaw! Ang katawhan mabulahan unta diha kaniya, ang tanang kanasoran motawag kaniya nga bulahan!

Salmo 89:21

ang akong kamot magpabilin uban kaniya, ang akong bukton magpalig-on kaniya.

Salmo 89:29

Lig-onon nako ang iyang kaliwatan hangtod sa kahangtoran, ug ang iyang trono ingon sa mga adlaw sa langit.

Salmo 89:4

‘Lig-onon nako ang imong kaliwat hangtod sa kahangtoran, ug tukoron nako ang imong trono ngadto sa tanang mga kaliwatan.’ ” Selah

Isaias 49:8

Mao kini ang giingon sa Ginoo, “Sa panahon nga kahimut-an mitubag ako kanimo, sa adlaw sa kaluwasan ako nagtabang kanimo; ako nagbantay kanimo ug naghatag kanimo ingon nga usa ka kasabotan ngadto sa katawhan, aron sa pagpahiluna sa yuta, aron sa pagbahin sa biniyaan nga mga kabilin;

Isaias 9:6

Kay alang kanato ang usa ka bata natawo, alang kanato ang usa ka anak nga lalaki gihatag, ug ang kagamhanan ipahiluna sa iyang abaga, ug ang iyang ngalan tawgon ug “Kahibulongang Magtatambag, Dios nga Makagagahom, Amahan nga Walay Kataposan, Prinsipe sa Pakigdait.”

Isaias 9:7

Mahitungod sa kauswagan sa iyang kagamhanan ug sa pakigdait kini walay kataposan, ibabaw sa trono ni David ug ibabaw sa iyang gingharian, aron sa pagtukod niini, ug sa pagtuboy niini uban ang hustisya ug pagkamatarong sukad karon ug hangtod sa kahangtoran. Ang kadasig sa Ginoo sa mga panon maoy maghimo niini.

Jeremias 33:17

“Kay mao kini ang giingon sa Ginoo: Si David dili gayod mawad-an ug tawo nga molingkod sa trono sa balay sa Israel,

Ezequiel 37:25

Sila magpuyo sa yuta nga gipuy-an sa inyong mga katigulangan, nga akong gihatag sa akong alagad nga si Jacob, ug sila ug ang ilang mga anak ug ang mga anak sa ilang mga anak magpuyo didto hangtod sa kahangtoran, ug ang akong alagad nga si David mahimo nga ilang pangulo hangtod sa kahangtoran.

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Zacarias 6:12

Ug sultihi siya, ‘Mao kini ang giingon sa Ginoo sa mga panon: “Tan-awa, ang tawo nga ginganlan ug Sanga, kay siya moturok diha sa iyang dapit, ug tukoron niya ang Templo sa Ginoo.

Zacarias 6:13

Siya mao ang magtukod sa Templo sa Ginoo, ug dad-on niya ang dungog, ug molingkod ug magmando diha sa iyang trono. Ug adunay pari tupad sa iyang trono, ug ang malinawong pagsinabtanay anaa sa taliwala nilang duha.” ’

Mateo 16:18

Ug sultihan ko ikaw, nga ikaw mao si Pedro ug sa ibabaw niining bato tukoron nako ang akong iglesia ug ang mga ganghaan sa Hades dili gayod makabuntog niini.

Mga Hebreo 3:3

Apan si Jesus giisip nga labaw ug himaya kay kang Moises, ingon nga ang nagtukod sa balay labaw pa ug dungog kay sa balay.

1 Pedro 2:5

Ug ang inyong kaugalingon usab, ingon nga mga buhi nga bato, ipahimo ninyong espirituhanon nga balay, alang sa balaan nga pagkapari, aron sa paghalad ug espirituhanong mga halad nga kahimut-an sa Dios pinaagi kang Jesu-Cristo.