2 Samuel 7:11

Ang Biblia 2011

sukad sa panahon nga ako nagtudlo ug mga maghuhukom sa akong katawhan nga Israel, ug ako maghatag kaninyo ug pahulay gikan sa tanan ninyong mga kaaway. Dugang pa, ang Ginoo nagsulti kanimo nga ang Ginoo magbuhat kanimo ug usa ka balay.

Cross References

2 Samuel 7:1

Sa diha nga ang hari nagpuyo na sa iyang balay ug ang Ginoo naghatag kaniya ug pahulay gikan sa tanan niyang mga kaaway nga naglibot,

2 Samuel 7:19

Ug kini usa lamang ka gamay nga butang sa imong mga mata, O Ginoong Dios, ikaw nagsulti usab mahitungod sa balay sa imong sulugoon alang sa taas nga panahon nga umaabot, ug gipakita nimo kanako ang umaabot nakong mga kaliwat, O Ginoong Dios!

2 Samuel 7:27

Kay ikaw, O Ginoo sa mga panon, ang Dios sa Israel, mipadayag niini ngadto sa imong sulugoon nga nag-ingon, ‘Ako magtukod alang kanimo ug usa ka balay,’ busa ang imong alagad nakabaton ug kaisog sa paghimo niining pag-ampo kanimo.

1 Mga Hari 11:38

Ug kon ikaw mamati sa tanan nga akong gisugo kanimo ug maglakaw sa akong mga dalan ug magbuhat sa matarong diha sa akong mga mata, sa pagtuman sa akong mga lagda ug sa akong mga sugo sama sa gihimo ni David nga akong sulugoon, ako mag-uban kanimo ug magtukod kanimo ug usa ka balay nga lig-on, ingon nga ako nagtukod alang kang David, ug ihatag nako ang Israel kanimo.

1 Mga Hari 2:24

Busa karon, ingon nga ang Ginoo buhi, nga maoy nagpalig-on kanako ug nagpalingkod kanako sa trono ni David nga akong amahan ug maoy nagbuhat kanako ug usa ka balay sumala sa iyang gisaad, kinahanglang patyon gayod si Adonias niining adlawa.”

1 Cronicas 17:10

sukad sa adlaw nga ako nagtudlo ug mga maghuhukom ibabaw sa akong katawhan nga Israel ug buntogon nako ang tanan nimong mga kaaway. Dugang pa niini, akong ipahayag kanimo nga ang Ginoo magtukod alang kanimo ug usa ka balay.

1 Cronicas 22:10

Siya magtukod ug usa ka balay alang sa akong ngalan ug siya mahimo nga akong anak ug ako mahimong iyang Amahan, ug akong lig-onon ang iyang harianong trono dinhi sa Israel hangtod sa kahangtoran.’

Job 34:29

Sa diha nga siya magpakahilom, kinsa man ang makahukom? Sa diha nga tagoan niya ang iyang nawong, kinsa man ang makasud-ong kaniya, nasod man kini o usa ka tawo?

Salmo 106:42

Ang ilang mga kaaway usab midaogdaog kanila, ug sila nailalom sa ilang gahom.

Salmo 127:1

Gawas kon ang Ginoo ang magtukod sa balay, kawang lamang ang kahago niadtong mga nagtukod niini. Gawas kon ang Ginoo ang magbantay sa siyudad, kawang lamang ang pagtukaw sa tawo nga nagbantay.

Salmo 46:9

Gipahunong niya ang mga gubat hangtod sa kinatumyan sa yuta; gibali niya ang pana, ug gibunggo ang bangkaw; gisunog niya sa kalayo ang mga karwahi!

Exodo 1:21

Ug tungod kay ang mga mananabang nahadlok man sa Dios, gihatagan niya sila ug mga panimalay.

Mga Panultihon 14:1

Ang kaalam sa mga babaye maglig-on sa iyang balay, apan ang binuang sa iyang kamot magbungkag niini.

Mga Hebreo 11:33

nga tungod sa pagtuo gibuntog nila ang mga gingharian, gipatuman nila ang kaangayan, gidawat nila ang mga saad, gipatak-om nila ang mga baba sa mga liyon,

1 Samuel 2:35

Magpabarog ako alang sa akong kaugalingon ug usa ka matinumanon nga pari, nga magbuhat sumala sa anaa sa akong kasingkasing ug hunahuna. Ako magtukod alang kaniya ug usa ka lig-on nga balay, ug siya mosulod ug mogawas sa atubangan sa akong dinihogan hangtod sa kahangtoran.

1 Samuel 25:28

Naghangyo ako, pasayloa ang sala sa imong sulugoon nga babaye, kay sa pagkatinuod, ang Ginoo maghimo ug usa ka lig-ong balay alang sa akong agalon tungod kay ang akong agalon nakig-away man diha sa mga gubat sa Ginoo, ug ang daotan dili makaplagan diha kanimo sa tanan nimong mga adlaw.