2 Samuel 7:10

Ang Biblia 2011

Ug ako magpili ug dapit alang sa akong katawhan nga Israel, ug magpahimutang kanila, aron sila makapuyo sa ilang kaugalingon nga dapit, ug dili na samokon ug dili na sila sakiton sa mga tawong daotan sama kaniadto,

Cross References

2 Mga Hari 21:8

ug dili nako himoon nga ang mga tiil sa Israel maglatagaw gikan sa yuta nga akong gihatag sa ilang katigulangan, kon sila magbantay lamang sa pagtuman sumala sa akong gisugo kanila, ug sumala sa tanang balaod nga gisugo kanila sa akong sulugoon nga si Moises.”

1 Cronicas 17:9

Ako magtudlo ug usa ka dapit alang sa akong katawhan nga Israel ug magpahiluna kanila, aron sila makapuyo sa ilang kaugalingong dapit ug dili na masamok, ug ang mga bangis nga tawo dili na makalaglag kanila sama kaniadto,

2 Cronicas 33:8

Ug dili na gayod nako kuhaon ang tiil sa Israel gikan sa yuta nga akong gitagana alang sa inyong mga katigulangan kon magmatngon lamang unta sila sa pagbuhat sa tanan nakong gisugo kanila, sa tanang balaod ug sa mga lagda ug sa mga tulumanon nga gihatag pinaagi kang Moises.”

Salmo 44:2

ikaw sa imong kaugalingong kamot naghingilin sa mga nasod, apan sila imong gipahimutang; gisakit nimo ang mga katawhan, apan gipalingkawas nimo sila;

Salmo 44:4

Ikaw ang akong Hari ug akong Dios, nga nagsugo ug kaluwasan alang kang Jacob.

Salmo 80:8

Ikaw nagdala ug usa ka paras gikan sa Ehipto; gipapahawa nimo ang mga nasod, ug gitanom nimo kini.

Salmo 80:9

Gihinloan nimo ang yuta alang niini, migamot kini, ug milukop sa yuta.

Exodo 1:22

Unya ang Paraon misugo sa tanan niyang katawhan, “Itambog ninyo sa suba ang tanang bata nga lalaki nga Hebreo nga matawo apan ang tanang bata nga babaye tugoti ninyo nga mabuhi.”

Exodo 15:17

Ikaw magpasulod kanila ug magpahimutang kanila sa imong kaugalingong bukid, ang dapit, O Ginoo, nga imong gitagana alang sa imong puluy-anan; ang balaang dapit, O Ginoo, nga gitukod sa imong mga kamot.

Isaias 5:2

Iya kining gikalotan ug gikuhaan sa mga bato, ug gitamnan kini sa pinili nga paras; gitukoran kini ug usa ka tore sa taliwala niini, ug gihimoan usab ug usa ka pug-anan diha niini; ug siya nagpaabot nga mamunga ug paras, apan namunga hinoon ug paras nga ihalas.

Isaias 5:7

Kay ang parasan sa Ginoo sa mga panon mao ang balay sa Israel, ug ang mga tawo sa Juda mao ang iyang tanom nga makapahimuot, ug siya nagpaabot sa hustisya apan tan-awa, pagpaagas ug dugo; sa pagkamatarong, apan tan-awa, usa ka pagtuaw!

Isaias 60:18

Ang kabangis dili na madungog diha sa imong yuta, ang kadaot o kalaglagan sulod sa imong mga utlanan; apan tawgon nimo ang imong mga kuta nga Kaluwasan, ug ang imong mga ganghaan Pagdayeg.

Isaias 60:21

Ang imong katawhan mahimong matarong; sila makapanag-iya sa yuta hangtod sa kahangtoran, ang salingsing sa akong tinanom, ang buhat sa akong mga kamot, aron ako himayaon.

Jeremias 18:9

Ug kon sa bisan unsang taknaa ako magpahayag mahitungod sa usa ka nasod, sa usa ka gingharian, nga kini akong tukoron ug itanom,

Jeremias 24:6

Itutok nako ang akong mga mata ngadto kanila alang sa kaayohan ug dad-on nako sila pagbalik niining yutaa. Lig-onon nako sila ug dili gub-on. Itanom nako sila ug dili ibton.

Ezequiel 28:24

“Ug alang sa balay sa Israel, wala nay sampinit nga makatunok o tunok nga mosamad kanila taliwala sa tanan nilang mga silingan nga nagtamay kanila, ug sila makaila nga ako mao ang Ginoong Dios.

Oseas 2:18

Nianang adlawa ako maghimo alang kanimo ug usa ka kasabotan uban sa mga mananap sa kapatagan, sa mga langgam sa kalangitan ug sa nagkamang nga mga butang sa yuta; ug akong wagtangon ang mga busogan, ang espada ug ang gubat gikan sa yuta, ug papahulayon ko ikaw nga layo sa kakuyaw.

Amos 9:15

Itanom nako sila sa ilang yuta, ug dili na sila ibton pag-usab gikan sa yuta nga gihatag nako kanila,” nag-ingon ang Ginoo nga inyong Dios.

Gipadayag 21:4

Iyang pahiran ang tanang luha gikan sa ilang mga mata, ug ang kamatayon wala na, ug wala na usab unyay pagminatay o paghilak o kasakit kay ang unang mga butang nangagi na.”

Mga Maghuhukom 4:3

Unya ang katawhan sa Israel nagpakitabang sa Ginoo, kay si Jabin adunay siyam ka gatos ka karwahi nga puthaw ug iyang gidaogdaog sa hilabihan gayod ang katawhan sa Israel sulod sa 20 ka tuig.

1 Samuel 13:17

Ug ang mga nanulong nanggula gikan sa kampo sa mga Filistihanon sa tulo ka panon; ang usa ka panon mipadulong ngadto sa Opra, ngadto sa yuta sa Sual,