2 Samuel 6:7

Ang Biblia 2011

Ug ang kasuko sa Ginoo misilaob batok kang Uzza ug ang Dios naglaglag kaniya didto tungod kay iyang gibutang ang iyang kamot sa sudlanan sa kasabotan ug didto namatay siya tupad sa sudlanan sa kasabotan sa Dios.

Cross References

2 Samuel 6:8

Ug si David nasuko tungod kay ang Ginoo misilot kang Uza, ug ang maong dapit gitawag ug Peres-uza, hangtod niining adlawa.

1 Cronicas 13:10

Ug ang kasuko sa Ginoo misilaob batok kang Uza ug iyang gipatay siya tungod kay iya mang giisa ang iyang kamot ngadto sa sudlanan sa kasabotan ug didto namatay siya sa atubangan sa Ginoo.

1 Cronicas 15:13

Tungod kay kini wala ninyo dad-a sa unang higayon, ang Ginoo nga atong Dios nasuko kanato, tungod kay wala nato ampingi kini sumala sa paagi nga gitakda.”

1 Cronicas 15:2

Unya si David miingon, “Walay si bisan kinsa nga modala sa sudlanan sa kasabotan sa Dios gawas sa mga Levihanon, kay ang Dios nagpili kanila aron sa pagdala sa sudlanan sa kasabotan sa Dios ug sa pag-alagad kaniya hangtod sa kahangtoran.”

Numeros 1:51

Sa diha nga ang Tolda dad-on na, ang mga Levihanon maoy maghipos niini ug sa diha nga ang Tolda pabarogon, ang mga Levihanon maoy magtukod niini ug ang walay labot nga magpaduol niini patyon.

Numeros 4:15

Ug sa dihang mahuman na ni Aaron ug sa iyang mga anak ang pagtabon sa balaang dapit ug sa tanang mga kasangkapan sa balaang dapit, sa diha nga mobiya na ang mga nagkampo, human niini, ang mga lalaki nga kaliwat ni Kohat moadto aron sa pagpas-an niini apan kinahanglang dili sila mohikap sa balaang mga butang aron sila dili mamatay. Mao kini ang mga butang sa Tolda nga Tagboanan nga dad-onon sa mga kaliwat ni Kohat.

1 Samuel 25:38

Ug human molabay ang napulo ka adlaw, si Nabal gihampak sa Ginoo ug siya namatay.

1 Samuel 6:19

Iyang gipatay ang pipila ka tawo sa Bet-semes tungod kay sila mitan-aw sa sulod sa sudlanan sa kasabotan sa Ginoo. Iyang gipatay ang 70 ka tawo gikan kanila, ug ang mga tawo nagbangotan tungod kay ang Ginoo naghimo ug dakong pagpamatay diha sa katawhan.