2 Samuel 6:20

Ang Biblia 2011

Unya si David mipauli aron sa pagpanalangin sa iyang panimalay. Apan si Mical nga anak ni Saul migula aron sa pagsugat kang David ug miingon, “Pagkamahimayaon sa hari sa Israel niining adlawa, naghubo sa iyang kaugalingon atubangan sa mga mata sa mga sulugoon nga babaye sa iyang mga alagad, sama sa usa ka tawo nga walay ulaw, naghubo sa iyang kaugalingon!”

Cross References

Genesis 18:19

Dili, kay gipili nako siya aron magsugo sa iyang mga anak ug panimalay nga sunod kaniya aron magsubay sila sa dalan sa Ginoo, pinaagi sa pagbuhat sa pagkamatarong ug sa hustisya, aron ang Ginoo magpadangat kang Abraham niadtong gisaad kaniya.”

2 Samuel 6:14

Ug si David misayaw sa atubangan sa Ginoo sa tibuok niyang kusog ug si David gibaksan ug usa ka lino nga ephod.

2 Samuel 6:16

Sa diha nga ang sudlanan sa kasabotan sa Ginoo miabot na sa siyudad ni David, si Mical nga anak ni Saul milantaw sa bintana ug nakakita kang Hari David nga nagluksolukso ug nagsayaw sa atubangan sa Ginoo ug siya mitamay kaniya sulod sa iyang kasingkasing.

2 Samuel 6:18

Sa diha nga nahuman na ni David ang paghalad sa halad nga sunogon ug sa mga halad sa pakigdait, iyang gipanalanginan ang katawhan sa ngalan sa Ginoo sa mga panon,

2 Samuel 6:19

ug siya nanghatag ngadto sa tibuok katawhan, sa tibuok nga panon sa Israel, mga lalaki ug mga babaye, ngadto sa matag usa, usa ka haon nga pan ug usa ka tipik nga unod, ug usa ka torta nga pasas. Unya ang tibuok katawhan namauli ngadto sa ilang balay.

1 Cronicas 16:43

Unya ang tibuok katawhan nanglakaw ang matag usa ngadto sa iyang balay, ug si David mipauli aron sa pagpanalangin sa iyang panimalay.

Job 30:8

Mga walay pulos; mga anak sa mga tawong walay hinungdan, gipanglatos sila gikan sa yuta.

Salmo 101:2

Magkinabuhi ako subay sa dalan nga hingpit. O kanus-a ba ikaw moanhi kanako? Magkinabuhi ako diha sa hingpit nga kasingkasing sulod sa akong balay.

Salmo 30:1

Dayegon ko ikaw, O Ginoo, kay gisakwat nimo ako, ug wala nimo tugti nga maglipay ang akong mga kaaway ibabaw kanako.

Ecclesiastes 7:17

Ayaw pagpalabi sa pagpakadaotan, o sa pagpakabuang. Nganong magpakamatay man ikaw sa dili pa ang imong panahon?

Marcos 14:66

Samtang didto si Pedro sa silong, sa hawanan sa tugkaran, miabot ang usa sa mga babayeng sulugoon sa labawng pangulong pari.

Marcos 3:21

Sa pagkadungog niini sa iyang mga kabanay, miadto sila aron sa pagkuha kaniya, kay miingon man sila, “Nabuang siya.”

Juan 13:6

Ug miduol siya kang Simon Pedro, ug si Pedro miingon kaniya, “Ginoo, hugasan ba nimo ang akong mga tiil?”

Josue 24:15

Ug kon dili kamo buot moalagad sa Ginoo, pagpili kamo niining adlawa kon kinsa ang inyong alagaran, ang mga dios ba nga gialagaran sa inyong katigulangan didto sa unahan sa Suba o ang mga dios ba sa mga Amorihanon nga ang yuta mao ang inyong gipuy-an. Apan alang kanako ug sa akong panimalay, mag-alagad kami sa Ginoo.”

Mga Maghuhukom 9:4

Ug sila mihatag kaniya ug 70 ka buok salaping plata gikan sa balay ni Baal-berit, nga niini si Abimelek nagsuhol ug mga tawo nga walay pulos ug walay hinungdan, nga misunod kaniya.

1 Samuel 14:49

Ang mga anak nga lalaki ni Saul mao si Jonatan, si Isvi ug si Melkisua, ug ang ngalan sa iyang duha ka anak nga babaye mao kini, ang ngalan sa kamagulangan mao si Merab ug ang ngalan sa manghod mao si Mical.

1 Samuel 18:20

Si Mical nga anak nga babaye ni Saul nahigugma kang David, ug ilang gisuginlan si Saul ug ang maong butang nakalipay kaniya.