2 Samuel 6:19

Ang Biblia 2011

ug siya nanghatag ngadto sa tibuok katawhan, sa tibuok nga panon sa Israel, mga lalaki ug mga babaye, ngadto sa matag usa, usa ka haon nga pan ug usa ka tipik nga unod, ug usa ka torta nga pasas. Unya ang tibuok katawhan namauli ngadto sa ilang balay.

Cross References

2 Samuel 6:18

Sa diha nga nahuman na ni David ang paghalad sa halad nga sunogon ug sa mga halad sa pakigdait, iyang gipanalanginan ang katawhan sa ngalan sa Ginoo sa mga panon,

2 Samuel 6:20

Unya si David mipauli aron sa pagpanalangin sa iyang panimalay. Apan si Mical nga anak ni Saul migula aron sa pagsugat kang David ug miingon, “Pagkamahimayaon sa hari sa Israel niining adlawa, naghubo sa iyang kaugalingon atubangan sa mga mata sa mga sulugoon nga babaye sa iyang mga alagad, sama sa usa ka tawo nga walay ulaw, naghubo sa iyang kaugalingon!”

1 Mga Hari 8:66

Sa ikawalo nga adlaw iyang gipapauli ang katawhan, ug ilang gipanalanginan ang hari, ug namauli sa ilang mga balay nga malipayon ug maya ang ilang kasingkasing tungod sa tanang kaayo nga gipakita sa Ginoo kang David nga iyang sulugoon ug sa Israel nga iyang katawhan.

1 Cronicas 16:3

ug iyang giapod-apod sa tibuok Israel, ngadto sa matag usa, lalaki ug babaye, tagsa ka buok pan, tagsa ka pahat nga unod ug tagsa ka torta nga pasas.

1 Cronicas 16:43

Unya ang tibuok katawhan nanglakaw ang matag usa ngadto sa iyang balay, ug si David mipauli aron sa pagpanalangin sa iyang panimalay.

2 Cronicas 30:24

Kay si Hesekias nga hari sa Juda mihatag sa katilingban ug usa ka libo ka torong baka ug pito ka libo ka karnero ingon nga halad ug ang mga pangulo mihatag sa katilingban ug usa ka libo ka torong baka ug napulo ka libo ka karnero. Ug daghan ang mga pari nga nagbalaan sa ilang kaugalingon.

2 Cronicas 7:10

Sa ika-23 nga adlaw sa ikapito nga bulan, iyang gipaadto ang katawhan ngadto sa ilang mga pinuy-anan, malipayon ug nagmaya sa kasingkasing tungod sa kaayo nga gipakita sa Ginoo kang David ug kang Solomon ug sa Israel nga iyang katawhan.

Nehemias 8:10

Unya siya miingon kanila, “Padayon kamo; kan-a ang tambok ug imna ang tam-is nga bino ug pagpadala ug mga bahin kaniya nga walay giandam kay kining adlawa balaan alang sa atong Ginoo. Ug ayaw kasubo kay ang kalipay sa Ginoo maoy inyong kusog.”

Awit sa mga Awit 2:5

Lig-ona ako pinaagi sa mga pasas, paulii ako pinaagi sa mga mansanas; kay nagmasakiton ako tungod sa gugma.

Ezequiel 45:17

Katungdanan sa pangulo ang paghatag sa mga halad nga sunogon, sa mga halad nga pagkaon ug sa mga halad nga ilimnon panahon sa mga kasaulogan, sa mga bag-ong subang sa bulan ug sa mga adlawng igpapahulay, sa tanang mga tinakda nga kasaulogan sa balay sa Israel. Siya mag-andam sa halad tungod sa sala, sa halad nga pagkaon, sa halad nga sunogon ug sa halad sa pakigdait aron sa paghimo sa pagtabon sa sala alang sa balay sa Israel.

Oseas 3:1

Ang Ginoo miingon pag-usab kanako, “Lakaw, higugmaa ang usa ka babaye nga hinigugma sa laing lalaki ug usa ka mananapaw, sama nga ang Ginoo nahigugma sa mga anak sa Israel bisan ug sila midangop ngadto sa laing mga dios, ug nahigugma sa mga torta nga pasas.”

Mga Buhat 20:35

Ang tanang mga butang gipakita nako kaninyo nga ang mga maluyahon kinahanglang inyong tabangan pinaagi sa samang paghago nga maghinumdom sa pulong sa Ginoong Jesus nga iyang gisulti, ‘Labaw pang bulahan ang paghatag kay sa pagdawat.’ ”

Mga Taga-Efeso 4:8

Busa kini giingon, “Sa pagsaka niya sa kahitas-an, nagdala siya ug panon sa mga binihag; ug ngadto sa mga tawo, siya naghatag ug mga gasa.”

Josue 22:6

Busa gipanalanginan sila ni Josue ug gipalakaw sila. Ug namauli sila sa ilang mga puluy-anan.