2 Samuel 6:17

Ang Biblia 2011

Ug ilang gidala ang sudlanan sa kasabotan sa Ginoo, ug gipahiluna kini sa iyang dapit sa sulod sa tolda nga gipatindog ni David alang niini ug si David naghalad ug mga halad nga sunogon ug mga halad sa pakigdait sa atubangan sa Ginoo.

Cross References

1 Mga Hari 8:5

Ug si Hari Solomon ug ang tibuok katilingban sa Israel, nga nagtigom sa iyang atubangan diha uban kaniya sa atubangan sa sudlanan sa kasabotan, naghalad ug mga karnero ug mga baka nga dili maihap o maisip tungod sa kadaghan.

1 Cronicas 15:1

Unya si David naghimo alang kaniya ug mga balay didto sa siyudad ni David ug nag-andam siya ug usa ka dapit alang sa sudlanan sa kasabotan sa Dios, ug nagpabarog ug usa ka tolda alang niini.

1 Cronicas 15:3

Ug gitigom ni David ang tibuok Israel didto sa Jerusalem aron sa pagdala sa sudlanan sa kasabotan sa Ginoo ngadto sa dapit niini, nga iyang giandam alang niini.

1 Cronicas 16:1

Unya ilang gidala sa sulod ang sudlanan sa kasabotan sa Dios ug gipahimutang kini sa sulod sa tolda nga gipabarog ni David alang niini ug sila naghalad ug mga halad nga sunogon ug mga halad sa pakigdait sa atubangan sa Dios.

1 Cronicas 6:31

Kini sila mao ang mga tawo nga gitugyanan ni David sa buluhaton sa pag-awit didto sa balay sa Ginoo human mapahimutang didto ang sudlanan sa kasabotan.

2 Cronicas 1:4

Apan gidala ni David ang sudlanan sa kasabotan sa Dios gikan sa Kiriat-jearim ngadto sa dapit nga giandam ni David alang niini kay siya nagpabarog ug usa ka tolda alang niini didto sa Jerusalem.

2 Cronicas 5:6

Si Hari Solomon ug ang tibuok nga katilingban sa Israel nga nagtigom sa iyang atubangan, diha sa atubangan sa sudlanan sa kasabotan, naghalad ug daghang mga karnero ug mga baka, nga dili maisip o maihap.

Salmo 132:8

Tindog, O Ginoo, ug adto sa imong dapit nga pahulayanan, ikaw ug ang sudlanan sa kasabotan sa imong kalig-on.

Levitico 3:9

Unya gikan sa gihalad nga halad sa pakigdait ingon nga halad pinaagi sa kalayo alang sa Ginoo, ihalad niya ang tambok niini, ang tibuok ikog nga tambok nga kuhaon niya sa punoan sa dugokan ug ang tambok nga nagputos sa mga tinai ug ang tanan nga tambok nga anaa sa sulod sa ginhawaan,