2 Samuel 6:16

Ang Biblia 2011

Sa diha nga ang sudlanan sa kasabotan sa Ginoo miabot na sa siyudad ni David, si Mical nga anak ni Saul milantaw sa bintana ug nakakita kang Hari David nga nagluksolukso ug nagsayaw sa atubangan sa Ginoo ug siya mitamay kaniya sulod sa iyang kasingkasing.

Cross References

2 Samuel 3:14

Unya si David nagpadala ug mga sinugo ngadto kang Isboset nga anak ni Saul, nga nag-ingon, “Ihatag kanako ang akong asawa nga si Mical nga akong naasawa tungod sa usa ka gatos ka yamis sa mga Filistihanon.”

2 Samuel 5:7

Bisan pa niana giilog ni David ang kuta sa Zion, nga mao ang siyudad ni David.

2 Samuel 6:15

Busa si David ug ang tibuok banay sa Israel midala sa sudlanan sa kasabotan sa Ginoo uban sa mga singgit ug sa tingog sa trumpeta.

2 Samuel 6:20

Unya si David mipauli aron sa pagpanalangin sa iyang panimalay. Apan si Mical nga anak ni Saul migula aron sa pagsugat kang David ug miingon, “Pagkamahimayaon sa hari sa Israel niining adlawa, naghubo sa iyang kaugalingon atubangan sa mga mata sa mga sulugoon nga babaye sa iyang mga alagad, sama sa usa ka tawo nga walay ulaw, naghubo sa iyang kaugalingon!”

1 Cronicas 15:29

Sa diha nga ang sudlanan sa kasabotan sa Ginoo miabot sa siyudad ni David, si Mical nga anak nga babaye ni Saul milantaw gikan sa bintana ug nakakita kang hari David nga nagsayaw ug nagkalipay ug siya mitamay kang David sulod sa iyang kasingkasing.

Salmo 123:3

Kaluy-i kami, O Ginoo, kaluy-i kami, kay naghingapin na ang mga pagtamay kanamo.

Salmo 69:7

Kay kini tungod ug alang kanimo nga ako nag-antos sa pagtamay, ang kaulaw mitabon sa akong nawong.

Isaias 53:3

Siya gitamay ug gisalikway sa mga tawo; usa ka tawo sa mga kasub-anan, ug sinati sa kasakitan, ug ingon sa usa ka tawo nga ang mga tawo magtago sa ilang nawong gikan kaniya, siya gibiaybiay ug siya wala nato hatagi ug bili.

Mga Buhat 2:13

Apan ang uban nga nagbugalbugal miingon, “Sila nangahubog sa tam-is nga bino.”

1 Mga Taga-Corinto 2:14

Ang tawo nga kalibotanon dili modawat sa mga butang sa Espiritu sa Dios, kay alang kaniya kini mga binuang, ug siya dili makahimo pagsabot niini tungod kay kini matugkad lamang sa espirituhanon nga paagi.

1 Samuel 18:17

Unya si Saul miingon kang David, “Ania karon ang akong kamagulangang anak nga babaye nga si Merab, siya akong ipaasawa kanimo. Pagmaisogon lamang alang kanako ug pagpakiggubat alang sa Ginoo.” Kay si Saul naghunahuna, “Dili unta itugot nga modapat ang akong kamot kaniya, kondili ang kamot sa mga Filistihanon ang padapaton kaniya.”

1 Samuel 18:20

Si Mical nga anak nga babaye ni Saul nahigugma kang David, ug ilang gisuginlan si Saul ug ang maong butang nakalipay kaniya.