2 Samuel 6:13

Ang Biblia 2011

Sa diha nga ang nagdala sa sudlanan sa kasabotan sa Ginoo nakalakaw ug unom ka lakang, naghalad siya ug usa ka baka ug usa ka pinatambok nga karnero.

Cross References

1 Mga Hari 8:5

Ug si Hari Solomon ug ang tibuok katilingban sa Israel, nga nagtigom sa iyang atubangan diha uban kaniya sa atubangan sa sudlanan sa kasabotan, naghalad ug mga karnero ug mga baka nga dili maihap o maisip tungod sa kadaghan.

1 Cronicas 15:15

Ug ang mga Levihanon mipas-an sa sudlanan sa kasabotan sa Dios diha sa ilang mga abaga pinaagi sa mga yayongan ingon sa gisugo ni Moises sumala sa pulong sa Ginoo.

1 Cronicas 15:2

Unya si David miingon, “Walay si bisan kinsa nga modala sa sudlanan sa kasabotan sa Dios gawas sa mga Levihanon, kay ang Dios nagpili kanila aron sa pagdala sa sudlanan sa kasabotan sa Dios ug sa pag-alagad kaniya hangtod sa kahangtoran.”

2 Cronicas 5:6

Si Hari Solomon ug ang tibuok nga katilingban sa Israel nga nagtigom sa iyang atubangan, diha sa atubangan sa sudlanan sa kasabotan, naghalad ug daghang mga karnero ug mga baka, nga dili maisip o maihap.

Numeros 4:15

Ug sa dihang mahuman na ni Aaron ug sa iyang mga anak ang pagtabon sa balaang dapit ug sa tanang mga kasangkapan sa balaang dapit, sa diha nga mobiya na ang mga nagkampo, human niini, ang mga lalaki nga kaliwat ni Kohat moadto aron sa pagpas-an niini apan kinahanglang dili sila mohikap sa balaang mga butang aron sila dili mamatay. Mao kini ang mga butang sa Tolda nga Tagboanan nga dad-onon sa mga kaliwat ni Kohat.

Numeros 7:9

Apan sa mga kaliwat ni Kohat wala siya maghatag, kay sila man ang gitugyanan sa pag-atiman sa balaang dapit nga mao ang ilang pas-anon.

Mateo 22:4

Ug gipaadto na usab niya ang lain pang mga ulipon nga iyang giingnan, ‘Ingna ang mga dinapit, Tan-awa, nahikay na nako ang akong kombira, naihaw na ang akong mga baka ug ang akong mga nati nga pinatambok ug andam na ang tanan, busa pangadto na kamo sa kombira.’

Josue 3:3

Ug ilang gisugo ang katawhan, “Kon makita ninyo ang sudlanan sa kasabotan sa Ginoo nga inyong Dios nga giyayongan sa mga pari nga Levihanon, pamiya kamo sa inyong dapit ug sunod kamo niini,