2 Samuel 5:23

Ang Biblia 2011

Sa diha nga si David nagpakisayod sa Ginoo, siya miingon, “Ikaw dili motungas, lipot ngadto sa ilang luyo, ug asdanga sila atbang sa mga kahoy nga balsamo.

Cross References

2 Samuel 2:1

Human niini si David nagpakisayod sa Ginoo, “Motungas ba ako ngadto sa bisan diin nga lungsod sa Juda?” Ug ang Ginoo miingon kaniya, “Tungas.” Ug si David miingon, “Asa man ako motungas?” Ug siya miingon, “Ngadto sa Hebron.”

2 Samuel 5:19

Ug si David nagpakisayod sa Ginoo, “Motungas ba ako batok sa mga Filistihanon? Itugyan ba nimo sila sa akong kamot?” Ug ang Ginoo miingon kang David, “Tungas, kay itugyan gayod nako ang mga Filistihanon nganha sa imong kamot.”

1 Cronicas 14:14

Ug sa dihang si David nangutana pag-usab sa Dios, ang Dios miingon kaniya “Ayaw pagtungas sunod kanila; libot ug sulonga sila atbang sa kahoyng balsamo.

Josue 8:2

Ug buhata ngadto sa Ai ug sa hari niini ang gibuhat nimo sa Jerico ug sa hari niini. Ang mga inilog lamang ug ang mga hayop maoy inyong kuhaon ingon nga sinakmit alang sa inyong kaugalingon. Paghimog tago nga pagsulong batok sa siyudad agi sa luyo.”

Josue 8:7

Unya manindog kamo gikan sa inyong gitagoan ug iloga ninyo ang siyudad kay ang Ginoo nga inyong Dios maghatag niini nganha sa inyong kamot.

1 Samuel 22:15

Karon bang adlawa ang unang higayon nga ako nagpakisayod sa Dios alang kaniya? Dili! Ayaw itugot sa hari nga magpasangil ug bisan unsa sa iyang sulugoon o sa tibuok nga panimalay sa akong amahan kay ang imong sulugoon walay nahibaloan niining tanan, daghan o diyotay.”

1 Samuel 23:2

Busa si David nagpakisayod sa Ginoo, “Moadto ba ako ug mosulong sa mga Filistihanon?” Ug ang Ginoo miingon kang David, “Lakaw ug sulonga ang mga Filistihanon ug luwasa ang Keila.”