2 Samuel 5:22

Ang Biblia 2011

Ang mga Filistihanon miabot pa gayod pag-usab ug nagkatag sa ilang kaugalingon diha sa walog sa Refaim.

Cross References

2 Samuel 21:15

Ug ang mga Filistihanon nakiggubat pag-usab batok sa Israel, ug si David milugsong kuyog sa iyang mga sulugoon ug sila nakig-away batok sa mga Filistihanon. Ug si David nagkaluya na.

2 Samuel 23:13

Ug tulo sa 30 ka pangulo nga mga tawo milugsong, ug miadto kang David sa panahon sa ting-ani ngadto sa langob sa Adullam ug ang panon sa mga kasundalohang Filistihanon nagkampo didto sa walog sa Refaim.

2 Samuel 5:18

Karon ang mga Filistihanon nangadto ug nagkatag diha sa walog sa Refaim.

1 Mga Hari 20:22

Unya ang propeta miduol sa hari sa Israel ug miingon kaniya, “Dali, lig-ona ang imong kaugalingon ug hunahunaa pag-ayo ang buot nimong buhaton kay sa panahon sa tingpamulak mosulong kanimo ang hari sa Siria.”

1 Cronicas 14:13

Ang mga Filistihanon naghimo pag-usab ug usa ka pagsulong diha sa walog.

Isaias 17:5

Ug mahisama kini sa diha nga ang tig-ani mag-ani sa nagtindog nga uhay, ug ang iyang mga bukton mag-ani sa mga lugas, ug mahisama sa diha nga ang usa ka tawo manghagdaw sa mga lugas diha sa walog sa Refaim.

Josue 15:8

Unya ang utlanan mitungas duol sa walog sa anak nga lalaki ni Hinom ngadto sa habagatang bahin sa Jebusihanon nga mao ang Jerusalem, ug ang utlanan mitungas ngadto sa kinatumyan sa bukid nga nahimutang atbang sa walog sa Hinom dapit sa kasadpan, sa amihanang tumoy sa walog sa Refaim.