2 Samuel 4:4

Ang Biblia 2011

Si Jonatan nga anak ni Saul, adunay usa ka anak nga lalaki nga piang ang tiil. Lima ka tuig ang iyang panuigon sa dihang midangat ang mga balita mahitungod kang Saul ug kang Jonathan gikan sa Jesreel, ug gikuha siya sa iyang tig-atiman ug mikagiw, ug sa diha nga nagdalidali siya pagkagiw, ang bata nahulog ug napiang. Ug ang iyang ngalan mao si Mefiboset.

Cross References

2 Samuel 21:7

Apan ang hari mipalingkawas kang Mefiboset nga anak ni Jonatan nga anak ni Saul, tungod sa panumpa sa Ginoo nga diha sa taliwala nila, taliwala ni David ug ni Jonatan nga anak ni Saul.

2 Samuel 9:13

Busa si Mefiboset mipuyo sa Jerusalem ug siya nagkaon kanunay diha sa lamisa sa hari. Ug siya piang sa duha ka tiil.

2 Samuel 9:3

Ug ang hari miingon, “Wala na bay bisan usa sa balay ni Saul, aron ako makapakita sa kaluoy sa Dios ngadto kaniya?” Ug si Ziba miingon sa hari, “Si Jonatan may usa pa ka anak nga lalaki nga piang ang mga tiil.”

2 Samuel 9:6

Unya si Mefiboset nga anak ni Jonatan nga anak ni Saul miadto kang David ug mihapa ug mihatag ug katahoran. Ug si David miingon, “Mefiboset!” Ug siya mitubag, “Ania ang imong ulipon!”

1 Mga Hari 11:17

Apan si Hadad mikagiw ngadto sa Ehipto, uban ang pipila sa mga Edomhanon nga mga ulipon sa iyang amahan. Niadtong panahona si Hadad bata pa.

1 Cronicas 8:34

Ang anak nga lalaki ni Jonatan mao si Merib-baal ug si Merib-baal amahan ni Mica.

1 Cronicas 9:40

Ug ang anak nga lalaki ni Jonatan mao si Merib-baal, ug si Merib-baal mao ang amahan ni Mica.

1 Samuel 29:1

Karon ang mga Filistihanon nagtigom sa tanan nilang kasundalohan didto sa Afkek ug ang Israelinhon nagkampo tupad sa tubod nga anaa sa Jezreel.

1 Samuel 29:11

Busa si David mibiya uban sa iyang mga tawo sayo sa pagkabuntag, aron mobalik ngadto sa yuta sa mga Filistihanon. Ug ang mga Filistihanon miadto sa Jesreel.