2 Samuel 4:11

Ang Biblia 2011

Unsa pa kaha, sa diha nga ang daotang mga tawo mipatay sa usa ka matarong nga tawo diha sa iyang kaugalingong balay ibabaw sa iyang higdaanan, dili ba nako karon paninglon ang iyang dugo sa inyong kamot, ug laglagon kamo gikan sa yuta?”

Cross References

Genesis 4:11

Ug karon tinunglo ikaw gikan sa yuta nga mibuka sa iyang baba sa pagdawat sa dugo sa imong igsoon gikan sa imong kamot.

Genesis 6:13

Ug ang Dios miingon kang Noe, “Nakahukom na ako sa pagtapos sa tanan nga unod kay ang yuta napuno sa kadaotan tungod kanila, busa laglagon nako sila uban sa kalibotan.

Genesis 7:23

Iyang gilaglag ang tanang butang nga may kinabuhi diha sa nawong sa yuta, tawo ug ang kahayopan ug mga nagkamang sa yuta ug mga langgam sa kalangitan, nangalaglag sila gikan sa yuta ug ang nahibilin mao na lamang si Noe ug sila nga uban kaniya didto sa arka.

2 Samuel 16:8

Ang Ginoo nanimalos kanimo sa tanang dugo sa balay ni Saul diin ikaw naghari, ug ang Ginoo naghatag sa gingharian ngadto sa kamot sa imong anak nga si Absalom. Tan-awa, ang kadaotan anaa kanimo, tungod kay ikaw usa ka tawo sa dugo.”

2 Samuel 3:27

Ug sa pagbalik ni Abner sa Hebron, gidala siya ni Joab ngadto sa taliwala sa ganghaan aron sa pagpakigsulti kaniya sa tago, ug didto gidunggab niya siya diha sa tiyan, nga tungod niana namatay siya tungod sa dugo sa igsoon ni Joab nga si Asahel.

2 Samuel 3:39

Ug ako niining adlawa luya, bisan ug dinihogan nga hari. Kining mga tawhana, ang mga anak ni Zeruia lisod kaayo alang kanako. Ang Ginoo magbalos sa tigbuhat ug daotan sumala sa iyang pagkadaotan!”

1 Mga Hari 2:32

Ug ang Ginoo mopasumbalik sa iyang mga dugoong buhat ngadto sa iyang kaugalingong ulo, tungod kay sa walay pagpahibalo sa akong amahan nga si David, gipatay niya ang duha ka tawo nga matarong ug maayo kay kaniya, nga mao si Abner nga anak ni Ner nga tigmando sa kasundalohan sa Israel ug si Amasa nga anak ni Jeter nga tigmando sa kasundalohan sa Juda.

Salmo 109:15

Maanaa unta kini kanunay sa atubangan sa Ginoo, ug mapapas unta gikan sa yuta ang handomanan nila!

Salmo 9:12

Kay siya nga manimalos tungod sa dugo mahinumdom kanila; siya dili malimot sa pagtuaw sa mga sinakit.

Exodo 21:12

“Si bisan kinsa nga modagmal sa usa ka tawo nga tungod niana mamatay kini, kinahanglan nga patyon.

Exodo 9:15

Kay kon karon gibakyaw pa nako ang akong kamot ug gihampak ikaw ug ang imong katawhan pinaagi sa kamatay, patay na unta kamo.

Mga Panultihon 2:22

apan ang mga daotan hinginlan gikan sa yuta, ug ang mabudhion ibton gikan niini.

Mga Panultihon 25:26

Sama sa usa ka nalubog nga tubod o hugaw nga tuboran ang usa ka matarong nga tawo nga maghatag ug dalan atubangan sa daotan.

Jeremias 10:11

Mao kini ang isulti ninyo kanila, “Ang mga diosdios nga wala magbuhat sa kalangitan ug sa yuta mangahanaw gikan sa yuta ug gikan sa ubos sa kalangitan.”

Habacuc 1:12

Dili ba ikaw gikan man sa walay kataposan, O Ginoo nga akong Dios, ang akong Balaan? Dili kami mangamatay. O Ginoo, ikaw nagtudlo kanila alang sa paghukom; ug ikaw, O Bato, nagpabarog kanila alang sa pagpanton.

Habacuc 1:4

Busa ang balaod walay gahom, ug ang hustisya wala gayod magpadayon. Kay ang daotan naglibot sa matarong, busa ang hustisya nagpadayon nga gituis.

1 Juan 3:12

ug dili sama kang Cain nga iya sa daotan ug mipatay sa iyang igsoon. Ug nganong gipatay man niya ang iyang igsoon? Tungod kay daotan man ang iyang binuhatan ug matarong ang iyang igsoon.