2 Samuel 3:35

Ang Biblia 2011

Unya ang tibuok katawhan miadto aron sa pag-aghat kang David sa pagkaon ug pan samtang adlaw pa, apan si David nanumpa nga nag-ingon, “Ang Dios magbuhat sa ingon ngari kanako ug labaw pa kon ako motilaw ug pan o bisan unsa hangtod nga ang adlaw mosalop!”

Cross References

2 Samuel 1:12

Ug sila nagbangutan, ug nanghilak, ug nagpuasa hangtod sa pagkagabii alang kang Saul ug alang kang Jonatan nga iyang anak ug alang sa katawhan sa Ginoo ug alang sa balay sa Israel, kay sila nangamatay pinaagi sa espada.

2 Samuel 12:17

Ug ang mga kadagkoan sa iyang balay nanindog tupad kaniya aron sa pagpatindog kaniya gikan sa yuta, apan midumili siya ug wala mokaon ug pagkaon uban kanila.

2 Samuel 3:34

Ang imong mga kamot wala gapusa, ang imong mga tiil wala hikti; sama sa usa ka tawo nga mapukan sa atubangan sa mga daotan ikaw napukan.” Ug ang tibuok katawhan nagbangutan pag-usab tungod kaniya.

2 Samuel 3:36

Ug ang tibuok katawhan nakamatikod niini ug kini nakalipay kanila, ingon nga ang tanan nga gibuhat sa hari nakapahimuot sa tibuok katawhan.

2 Samuel 3:9

Ang Dios maghimo sa ingon kang Abner ug labaw pa gayod, kon dili nako mahimo alang kang David ang gipanumpa sa Ginoo ngadto kaniya,

1 Cronicas 10:12

ang tanang mga isog nga tawo miadto ug gikuha ang lawas ni Saul ug ang mga lawas sa iyang mga anak nga lalaki ug gidala kini ngadto sa Jabes. Gilubong nila ang ilang mga bukog sa ilalom sa dakong kahoy didto sa Jabes ug nagpuasa sila sulod sa pito ka adlaw.

Jeremias 16:7

Walay magtipak ug pan alang sa nagsubo aron sa paghupay kaniya tungod sa namatay o adunay maghatag kanila sa kupa sa paglipay aron mainom tungod sa iyang amahan o sa iyang inahan.

Ezequiel 24:17

Panghupaw, apan ayaw kusga. Ayaw pagbangutan tungod sa mga nangamatay. Ihigot ang imong purong ug isul-ob ang mga sandalyas sa imong mga tiil, ug ayaw taboni ang imong mga ngabil o kaona ang pan sa mga tigbangutan.”

Ezequiel 24:22

Ug kamo magbuhat sumala sa akong gibuhat. Ayaw taboni ang inyong mga ngabil, o kaona ang pan sa mga tigbangutan.

Mga Maghuhukom 20:23

Ug ang katawhan sa Israel nangadto ug nanghilak sa atubangan sa Ginoo hangtod sa pagkagabii ug sila nangutana sa Ginoo, “Makig-away ba kami pag-usab batok sa among kaigsoonan nga mga kaliwat ni Benjamin?” Ug ang Ginoo miingon, “Pangadto kamo batok kanila.”

Mga Maghuhukom 20:26

Unya ang tanang katawhan sa Israel, ang tibuok nga kasundalohan, nanungas ug nangadto sa Betel ug nanghilak. Nanglingkod sila didto sa atubangan sa Ginoo ug nagpuasa niadtong adlawa hangtod sa pagkagabii ug naghalad ug mga halad nga sunogon ug mga halad sa pakigdait sa atubangan sa Ginoo.

Ruth 1:17

Asa ikaw mamatay adto ako mamatay, ug adto ako ilubong. Magbuhat unta sa ingon ang Ginoo kanako ug labaw pa usab, kon ang kamatayon magbulag kanako gikan kanimo!”

1 Samuel 3:17

Ug si Eli miingon, “Unsa man ang gisulti niya kanimo? Ayaw kana ililong kanako. Ang Dios maghimo unta sa ingon nganha kanimo ug labi pa gayod usab kon ikaw maglilong sa bisan unsa gikan kanako sa tanang mga butang nga iyang gisulti kanimo.”