2 Samuel 3:31

Ang Biblia 2011

Unya si David miingon kang Joab, ug sa tibuok katawhan nga diha uban kaniya, “Gisia ninyo ang inyong mga bisti ug pagbakos kamo ug sako ug pagbangutan kamo sa atubangan ni Abner.” Ug si Hari David misunod sa lungon.

Cross References

Genesis 37:29

Sa pagbalik ni Ruben ngadto sa gahong, nakita niya nga si Jose wala na didto ug gigisi niya ang iyang mga bisti.

Genesis 37:34

Ug gigisi ni Jacob ang iyang mga bisti ug nagsul-ob ug bisting sako diha sa iyang hawak ug nagbangutan tungod sa iyang anak sulod sa daghang mga adlaw.

2 Samuel 1:11

Unya gikuptan ni David ang iyang mga bisti ug gipanggisi kini, ug mao usab ang gibuhat sa tanang mga tawo nga diha uban kaniya.

2 Samuel 1:2

Ug sa ikatulo nga adlaw, dihay usa ka tawo nga miabot gikan sa kampo ni Saul, nga ang iyang mga bisti gisi ug may yuta sa ibabaw sa iyang ulo. Ug sa pag-abot niya didto kang David, mihapa siya sa yuta ug naghatag ug katahoran.

1 Mga Hari 20:31

Ug ang iyang mga sulugoon miingon kaniya, “Kami nakadungog karon nga ang mga hari sa balay sa Israel maluluy-on nga mga hari, kami naghangyo kanimo, tugoti kami nga magbutang ug sako sa among mga hawak ug mga pisi sa among mga ulo ug mangadto sa hari sa Israel, kay basin ug luwason niya ang imong kinabuhi.”

1 Mga Hari 21:27

Ug sa pagkadungog ni Ahab niadtong mga pulonga, iyang gigisi ang iyang mga bisti, ug nagsul-ob ug sako sa iyang lawas ug nagpuasa ug mihigda nga nagsul-ob sa sako ug milakaw nga masulub-on.

2 Mga Hari 19:1

Ug sa pagkadungog ni Hari Hesekias niini, iyang gigisi ang iyang mga bisti ug nagtabon sa iyang kaugalingon sa bisti nga sako, ug misulod sa balay sa Ginoo.

2 Mga Hari 19:2

Ug iyang gipaadto si Eliakim nga mao ang sinaligan sa panimalay ug si Sebna nga sekretaryo ug ang mga kadagkoan sa mga pari nga nagsul-ob ug bisti nga sako, ngadto kang propeta Isaias nga anak ni Amos.

Lucas 7:14

Unya siya miduol ug mihikap sa lungon, ug ang mga nagyayong niini mihunong. Ug siya miingon, “Dong, ingnon ko ikaw, bangon!”

Josue 7:6

Ug gigisi ni Josue ang iyang mga bisti ug mihapa sa yuta sa atubangan sa sudlanan sa Ginoo hangtod sa kahaponon, siya ug ang mga kadagkoan sa Israel. Ug gibutangan nila ug abog ang ilang mga ulo.

Gipadayag 11:3

Ug ang akong duha ka saksi nga nagsul-ob ug mga bisti nga sako, hatagan nako ug kagahom sa pagpropesiya sulod sa 1,260 ka adlaw.”

Mga Maghuhukom 11:35

Ug sa pagkakita ni Jefta kaniya, iyang gigisi ang iyang bisti ug siya miingon, “O akong anak! Gipasubo nimo ako ug ikaw nahimong hinungdan sa dakong kasamok alang kanako kay gibuka nako ang akong baba ngadto sa Ginoo ug dili nako mabakwi ang akong panumpa.”