2 Samuel 3:3

Ang Biblia 2011

Ang iyang ikaduha mao si Chileab, kang Abigail, ang asawa ni Nabal nga taga-Carmel, ug ang ikatulo mao si Absalom nga anak ni Maaca nga anak ni Talmai nga hari sa Gesur.

Cross References

2 Samuel 13:1

Unya si Absalom nga anak ni David may usa ka igsoong babaye nga maanyag nga ginganlan ug Tamar. Ug si Amnon nga anak ni David nahigugma kaniya.

2 Samuel 14:23

Busa si Joab mitindog ug miadto sa Gesur, ug gidala si Absalom ngadto sa Jerusalem.

2 Samuel 14:24

Ug ang hari miingon, “Itugot nga mopauli siya sa iyang balay, apan dili siya moanhi sa akong atubangan.” Busa si Absalom mibalik sa iyang kaugalingong balay ug wala moadto sa atubangan sa hari.

2 Samuel 14:32

Ug si Absalom mitubag kang Joab, “Tan-awa, gipasugoan ko ikaw, ‘Anhi dinhi, aron paadtoon ko ikaw ngadto sa hari aron mangutana, “Nganong mianhi ako gikan sa Gesur? Maayo alang kanako nga didto pa gihapon ako.” Busa karon paadtoa ako sa atubangan sa hari ug kon aduna akoy sala ipapatay ako niya.’ ”

2 Samuel 15:7

Sa kataposan sa upat ka tuig, si Absalom miingon sa hari, “Ako naghangyo kanimo, palakta ako ug magbayad ako sa akong panaad nga akong gisaad sa Ginoo, didto sa Hebron.

2 Samuel 15:8

Kay ang imong sulugoon misaad ug usa ka panaad samtang nagpuyo pa ako didto sa Gesur sa Aram nga nag-ingon, ‘Kon ang Ginoo sa pagkatinuod magdala kanako pagbalik ngadto sa Jerusalem, mohalad ako ug pagsimba sa Ginoo.’ ”

2 Samuel 18:33

Ug natay-og pag-ayo ang pagbati sa hari ug misaka ngadto sa lawak nga didto sa ibabaw sa ganghaan ug mihilak. Ug sa iyang pag-adto, siya miingon, “O akong anak nga Absalom, anak ko, anak kong Absalom! Maayo pa unta kon ako ang namatay sa imong dapit ug dili ikaw, O Absalom, anak ko, anak ko!”

2 Samuel 2:2

Busa si David mitungas didto ug ang duha usab niya ka asawa, si Ahinoam nga taga-Jesreel ug si Abigail ang asawa ni Nabal nga taga-Carmel.

1 Mga Hari 1:6

Ang iyang amahan wala gayod makapasubo kaniya, bisan sa pagpangutana, “Nganong gibuhat nimo ang ingon niana?” Siya usab usa ka tawo nga ambungan ug siya natawo sunod kang Absalom.

1 Mga Hari 2:15

Ug si Adonias miingon, “Ikaw nahibalo nga ang gingharian akoa ug ang tibuok Israel nagpaabot gayod nga ako unta ang maghari. Apan ang gingharian gihikaw kanako ug nahimo nga iya sa akong igsoon kay iya man kini gikan sa Ginoo.

1 Cronicas 3:1

Mao kini ang mga anak nga lalaki ni David nga nangatawo kaniya didto sa Hebron. Ang kamagulangan mao si Amnon, kang Ahinoam nga taga-Jesreel. Ang ikaduha si Daniel, kang Abigail nga taga-Carmel.

1 Cronicas 3:2

Ang ikatulo, si Absalom nga ang inahan mao si Maaca nga anak ni Talmai nga hari sa Gesur. Ang ikaupat si Adonias nga ang inahan mao si Hagit.

Deuteronomio 3:14

Si Jair nga Manasehanon mikuha sa tibuok nga yuta sa Argob nga mao ang Basan, hangtod sa utlanan sa mga Gesurhanon ug sa mga Maacahanon ug ginganlan ang mga kabalangayan sunod sa iyang ngalan, Habot-Jair hangtod niining adlawa.)

Josue 13:13

Apan ang katawhan sa Israel wala maghingilin sa mga Gesurhanon o sa mga Maacahanon, apan si Gesur ug si Maaca nagpuyo sa taliwala sa Israel, hangtod niining adlawa.

1 Samuel 25:3

Ang ngalan sa tawo mao si Nabal ug ang ngalan sa iyang asawa mao si Abigail. Ang babaye maayo ug pagpanabot ug maanyag, apan ang tawo bangis ug daotan ang iyang mga binuhatan ug siya kaliwat ni Caleb.

1 Samuel 25:42

Ug si Abigail midali ug mitindog ug misakay sa usa ka asno, ug ang iyang lima ka dalaga nag-atiman kaniya. Milakaw siya sunod sa mga sulugoon ni David, ug nahimong iyang asawa.

1 Samuel 27:8

Si David ug ang iyang mga tawo nanungas, ug gisulong nila ang mga Gesurhanon, ang mga Gersihanon ug ang mga Amalekanhon kay sila mao man ang nagpuyo sa maong yuta sukad pa sa karaang panahon gikan sa Sur hangtod sa utlanan sa Ehipto.