2 Samuel 3:24

Ang Biblia 2011

Unya si Joab miadto sa hari ug miingon, “Unsa man kining imong gibuhat? Mianhi si Abner kanimo, nganong gipalakaw man nimo siya, ug karon wala na hinuon siya.

Cross References

Genesis 12:18

Unya ang Paraon mipatawag kang Abram ug siya miingon kaniya, “Unsa ba kining imong gibuhat kanako? Nganong wala man ikaw motug-an kanako nga siya imong asawa?

2 Samuel 3:23

Sa diha nga si Joab ug ang tanan nga kasundalohan nga uban kaniya miabot, ilang gisuginlan si Joab, “Si Abner nga anak ni Ner mianhi sa hari ug siya gipalakaw niya, ug siya milakaw nga malinawon.”

2 Samuel 3:25

Ikaw nahibalo nga si Abner nga anak ni Ner mianhi aron sa paglimbong kanimo ug nagpakisayod sa imong paggula ug sa imong pagsulod, ug nagpakisayod sa tanan nga imong gibuhat.”

2 Samuel 3:39

Ug ako niining adlawa luya, bisan ug dinihogan nga hari. Kining mga tawhana, ang mga anak ni Zeruia lisod kaayo alang kanako. Ang Ginoo magbalos sa tigbuhat ug daotan sumala sa iyang pagkadaotan!”

2 Samuel 3:8

Unya si Abner nasuko pag-ayo tungod sa mga pulong ni Isboset ug miingon, “Usa ba ako ka ulo sa iro sa Juda? Niining adlawa nagpakita ako ug pagkamaunongon ngadto sa panimalay ni Saul nga imong amahan, ngadto sa iyang mga kaigsoonan ug sa iyang mga kahigalaan, ug wala magtugyan kanimo ngadto sa kamot ni David, ug unya ikaw nagpasangil kanako niining adlawa sa usa ka sala mahitungod sa usa ka babaye.

Numeros 23:11

Ug si Balak miingon kang Balaam, “Unsa ang imong gibuhat kanako? Ako mikuha kanimo aron sa pagtunglo sa akong mga kaaway, ug ania, ikaw walay nahimo kondili nagpanalangin hinuon kanila.”

Juan 18:35

Si Pilato mitubag, “Judio ba ako? Ang imong nasod ug ang mga pangulong pari mao ang nagtugyan kanimo nganhi kanako. Unsa ba diay ang imong nabuhat?”