2 Samuel 3:17

Ang Biblia 2011

Unya si Abner nakigsulti uban sa mga kadagkoan sa Israel nga nag-ingon, “Sa panahon nga nangagi, nagpangita kamo kang David aron maghari sa ibabaw kaninyo.

Cross References

2 Samuel 3:18

Busa karon buhata kini; kay ang Ginoo nagsaad kang David nga nag-ingon, ‘Pinaagi sa kamot sa akong sulugoon nga si David luwason nako ang akong katawhan nga Israel gikan sa kamot sa mga Filistihanon ug gikan sa kamot sa tanan nilang mga kaaway.’ ”

1 Cronicas 11:10

Mao kini ang mga pangulo sa mga bantogang tawo nga diha kang David nga naghatag kaniya ug dakong tabang sa iyang gingharian uban ang tibuok Israel aron sa paghimo kaniya nga hari, sumala sa pulong sa Ginoo mahitungod sa Israel.

Salmo 75:7

apan ang Dios mao ang maghukom, ipaubos niya ang usa ug bayawon niya ang usa.

1 Samuel 24:20

Ug karon ako nahibalo nga ikaw sa walay duhaduha mahimong hari ug nga ang gingharian sa Israel malig-on diha sa imong kamot.

1 Samuel 8:4

Unya ang tanang kadagkoan sa Israel nagtigom ug nangadto kang Samuel didto sa Rama,