2 Samuel 3:14

Ang Biblia 2011

Unya si David nagpadala ug mga sinugo ngadto kang Isboset nga anak ni Saul, nga nag-ingon, “Ihatag kanako ang akong asawa nga si Mical nga akong naasawa tungod sa usa ka gatos ka yamis sa mga Filistihanon.”

Cross References

2 Samuel 2:10

Si Isboset nga anak ni Saul may 40 ka tuig ang panuigon sa dihang misugod siya paghari ibabaw sa Israel, ug siya naghari sulod sa duha ka tuig. Apan ang banay ni Juda misunod kang David.

2 Samuel 3:15

Ug si Isboset nagpaadto ug mipakuha kaniya gikan sa iyang bana nga si Paltiel nga anak ni Lais.

2 Samuel 6:16

Sa diha nga ang sudlanan sa kasabotan sa Ginoo miabot na sa siyudad ni David, si Mical nga anak ni Saul milantaw sa bintana ug nakakita kang Hari David nga nagluksolukso ug nagsayaw sa atubangan sa Ginoo ug siya mitamay kaniya sulod sa iyang kasingkasing.

Mateo 1:18

Ug ang pagkatawo ni Jesu-Cristo nahitabo sa ingon niini: Sa diha nga ang iyang inahan nga si Maria kaslonon pa kang Jose, sa wala pa sila mag-ipon, nakaplagan siya nga nagsamkon pinaagi sa Espiritu Santo.

1 Samuel 18:25

Unya si Saul miingon, “Kini mao ang isulti ninyo kang David, ‘Ang hari wala magkinahanglan sa bisan unsang bugay, kondili usa ka gatos ka yamis sa mga Filistihanon, aron iyang panimaslan ang mga kaaway sa hari.’ ” Kay si Saul naghunahuna nga mahulog si David sa kamot sa mga Filistihanon.

1 Samuel 18:27

si David mitindog ug miadto kuyog sa iyang mga tawo ug gipatay ang duha ka gatos ka tawo sa mga Filistihanon ug gidala ni David ang ilang mga yamis ug gihatag nila kini sa husto nga gidaghanon ngadto sa hari aron siya mahimong umagad sa hari. Ug gipaasawa ni Saul kaniya si Mical nga iyang anak.

1 Samuel 25:44

Si Saul mihatag kang Mical nga iyang anak, nga asawa ni David, nga kang Palti nga anak nga lalaki ni Lais nga taga-Gallim.