2 Samuel 3:1

Ang Biblia 2011

Dugay kaayo ang gubat tali sa panimalay ni Saul ug sa panimalay ni David, ug si David nag-anam ug kalig-on samtang ang panimalay ni Saul nag-anam ug kahuyang.

Cross References

Genesis 3:15

Ug ibutang nako ang panag-away tali kanimo ug sa babaye ug tali sa imong kaliwat ug sa iyang kaliwat; siya magsamad sa imong ulo, ug ikaw magsamad sa iyang tikod.”

2 Samuel 2:17

Ug ang gubat niadtong adlawa bangis kaayo ug si Abner ug ang mga tawo sa Israel nabuntog sa atubangan sa mga sulugoon ni David.

2 Samuel 2:28

Busa gipatingog ni Joab ang trumpeta, ug ang tibuok katawhan nanghunong ug wala na mogukod sa Israel o makig-away pa sila.

2 Samuel 22:44

“Ikaw nagluwas kanako gikan sa mga pakig-away sa katawhan; ikaw naghimo kanako nga magpadayon sa pagkapangulo sa mga nasod; katawhan nga wala nako mailhi nga nag-alagad kanako.

2 Samuel 3:6

Samtang may gubat pa tali sa panimalay ni Saul ug sa panimalay ni David, si Abner naglig-on sa iyang kaugalingon sa panimalay ni Saul.

2 Samuel 5:10

Ug si David nag-anam ug kabantogan kay ang Ginoo, ang Dios sa mga panon nag-uban man kaniya.

1 Mga Hari 14:30

Kanunay nga may gubat tali kang Rehoboam ug kang Jeroboam.

1 Mga Hari 15:16

Dihay gubat tali kang Asa ug kang Baasa nga hari sa Israel sa tanan nilang mga adlaw.

1 Mga Hari 15:32

Ug dihay gubat tali kang Asa ug kang Baasa nga hari sa Israel sa tanan nilang mga adlaw.

1 Cronicas 11:9

Ug si David nag-anam pagkagamhanan kay ang Ginoo sa mga panon nag-uban man kaniya.

1 Cronicas 3:1

Mao kini ang mga anak nga lalaki ni David nga nangatawo kaniya didto sa Hebron. Ang kamagulangan mao si Amnon, kang Ahinoam nga taga-Jesreel. Ang ikaduha si Daniel, kang Abigail nga taga-Carmel.

Ester 6:13

Ug si Haman misugilon kang Zeres nga iyang asawa ug sa tanan niyang mga higala sa tanan nga nahitabo kaniya. Unya ang iyang mga maalamong tawo ug si Zeres nga iyang asawa miingon kaniya, “Kon si Mardoqueo nga imong gisugdan sa pagyukbo sakop sa katawhan sa mga Judio, dili ka modaog batok kaniya, kondili mahulog gayod ikaw sa atubangan niya.”

Ester 9:4

Kay si Mardoqueo halangdon diha sa balay sa hari, ug ang iyang kabantog miabot sa tanang mga lalawigan kay ang tawo nga si Mardoqueo nag-anam ug ka gamhanan.

Job 17:9

Apan ang matarong nagpadayon sa iyang dalan, ug siya nga hinlo ug mga kamot magtubo nga labaw ka lig-on.

Job 8:7

Bisan ug ang imong sinugdanan gamay ra, ang imong mga adlaw sa kaulahian mauswagon.

Salmo 18:43

Giluwas nimo ako gikan sa mga pakig-away sa katawhan; gihimo nimo ako nga pangulo sa mga nasod; ang katawhan nga wala nako mailhi nag-alagad kanako.

Salmo 46:9

Gipahunong niya ang mga gubat hangtod sa kinatumyan sa yuta; gibali niya ang pana, ug gibunggo ang bangkaw; gisunog niya sa kalayo ang mga karwahi!

Salmo 84:7

Nanglakaw sila gikan sa kalig-on ngadto sa kalig-on, ang Dios sa mga dios makita sa Zion.

Mga Taga-Galacia 5:17

Kay ang mga tinguha sa unod supak sa Espiritu, ug ang Espiritu supak sa unod, kay kini silang duha nagkasumpaki sa usa ug usa, aron dili kamo makahimo sa buot ninyong buhaton.

Mga Taga-Efeso 6:12

Kay ang atong pagpakig-away dili man sa unod ug dugo, kondili batok sa mga nagmando, batok sa mga kagamhanan, batok sa mga makagagahom sa kalibotan nga gingitngitan, batok sa mga daotan nga espirituhanong panon diha sa mga langitnong dapit.

Gipadayag 6:2

Ug akong nakita ang usa ka puti nga kabayo ug ang nagkabayo niini may pana, ug kaniya gihatag ang usa ka purongpurong, ug siya milakaw nga nagmadaogon ug aron sa pagdaog.