2 Samuel 24:21

Ang Biblia 2011

Ug si Arauna miingon, “Nganong ang akong agalong hari mianhi sa iyang sulugoon?” Ug si David miingon, “Aron sa pagpalit sa giukanan nimo, aron tukoron ang usa ka halaran alang sa Ginoo, aron nga ang kamatay mohunong gikan sa katawhan.”

Cross References

Genesis 50:10

Ug miabot sila sa yuta sa Atad nga giokanan sa trigo nga didto sa tabok sa Jordan ug nagbangutan sila didto sa hilabihan ug sa masulub-on nga pagbangutan. Ug si Jose naghimo ug pito ka adlaw nga pagbangutan.

2 Samuel 24:18

Ug si Gad miadto kang David niadtong adlawa ug miingon kaniya, “Tungas, pagpatindog ug usa ka halaran alang sa Ginoo didto sa giukanan ni Arauna nga Jebusihanon.”

2 Samuel 24:20

Sa paglantaw ni Arauna, nakita niya ang hari ug ang iyang mga sulugoon nga nagpadulong kaniya ug si Arauna nangatahoran ug miyukbo sa atubangan sa hari nga ang iyang nawong ngadto sa yuta.

2 Samuel 24:3

Apan si Joab miingon sa hari, “Ang Ginoo nga imong Dios magdugang unta ngadto sa katawhan ug usa ka gatos ka pilo sa ilang gidaghanon samtang ang mga mata sa akong agalon makakita pa niini, apan nganong nahimuot ang akong agalong hari niining butanga?”

1 Cronicas 21:22

Unya si David miingon kang Ornan, “Ihatag kanako ang dapit sa giokanan aron ako makatukod dinhi niini ug usa ka halaran alang sa Ginoo, ihatag kini kanako sa tanan niyang bili aron ang katalagman mahunong gikan sa katawhan.”

Salmo 106:30

Unya mitindog si Pinehas ug mipakanaog ug hukom, ug sa ingon niana mihunong ang katalagman.

Numeros 25:8

ug gisunod niya kadtong lalaki sa Israel ngadto sa sulod nga lawak ug giduslak niya silang duha, ang lalaki sa Israel ug ang babaye lapos sa iyang lawas. Sa ingon niini mihunong ang katalagman sa katawhan sa Israel.