2 Samuel 24:20

Ang Biblia 2011

Sa paglantaw ni Arauna, nakita niya ang hari ug ang iyang mga sulugoon nga nagpadulong kaniya ug si Arauna nangatahoran ug miyukbo sa atubangan sa hari nga ang iyang nawong ngadto sa yuta.

Cross References

Genesis 18:2

Giyahat niya ang iyang mga mata, ug mitan-aw siya ug nakita niya nga dihay tulo ka tawo nga nagtindog atbang kaniya, ug sa iyang pagkakita kanila, midagan siya gikan sa pultahan sa iyang tolda aron sa pagtagbo kanila ug siya mihapa sa yuta.

2 Samuel 1:2

Ug sa ikatulo nga adlaw, dihay usa ka tawo nga miabot gikan sa kampo ni Saul, nga ang iyang mga bisti gisi ug may yuta sa ibabaw sa iyang ulo. Ug sa pag-abot niya didto kang David, mihapa siya sa yuta ug naghatag ug katahoran.

2 Samuel 24:19

Ug si David mitungas sumala sa gipamulong ni Gad, ingon sa gisugo sa Ginoo.

2 Samuel 24:21

Ug si Arauna miingon, “Nganong ang akong agalong hari mianhi sa iyang sulugoon?” Ug si David miingon, “Aron sa pagpalit sa giukanan nimo, aron tukoron ang usa ka halaran alang sa Ginoo, aron nga ang kamatay mohunong gikan sa katawhan.”

2 Samuel 9:8

Ug siya mihatag ug katahoran, ug miingon, “Unsa ba kining imong sulugoon, nga mitan-aw man ikaw sa usa ka patay nga iro nga sama kanako?”

Ruth 2:10

Unya si Ruth miyukbo, ug miduko ngadto sa yuta ug miingon kaniya, “Nganong nakakaplag man ako ug kaluoy sa imong mga mata, nga ikaw motagad kanako nga ako usa man ka langyaw?”