2 Samuel 24:17

Ang Biblia 2011

Unya si David misulti sa Ginoo sa diha nga nakita niya ang anghel nga mihampak sa katawhan ug miingon, “Ako nakasala ug ako nakahimo ug daotan, apan kining mga karnero, unsay ilang nabuhat? Ako naghangyo kanimo, himoa nga ang imong kamot makigbatok kanako ug makigbatok sa balay sa akong amahan.”

Cross References

Genesis 18:23

Unya miduol si Abraham ug miingon kaniya, “Laglagon ba usab nimo ang mga matarong uban sa mga daotan?

Genesis 44:33

Busa karon, naghangyo ako kanimo, nga magpabilin karon ang imong ulipon puli sa bata aron sa pagpaulipon sa akong agalon, ug papaulia ang bata uban sa iyang mga igsoon.

2 Samuel 12:13

Ug si David miingon kang Natan, “Ako nakasala batok sa Ginoo.” Ug si Natan miingon kang David, “Ang Ginoo usab nagpapas sa imong sala, ikaw dili mamatay.

2 Samuel 24:10

Apan ang kasingkasing ni David misakit kaniya human niya maihap ang mga tawo. Ug si David miingon sa Ginoo, “Ako nakasala ug dako sa akong gibuhat, apan karon, O Ginoo, ako nag-ampo kanimo, kuhaa ang sala sa imong sulugoon, kay nakabuhat ako ug dakong binuang.”

2 Samuel 7:8

Busa karon mao kini ang imong isulti ngadto sa akong alagad nga si David, ‘Kini mao ang gisulti sa Ginoo sa mga panon: Gikuha ko ikaw gikan sa sibsibanan, gikan sa pagsunod sa mga karnero, aron ikaw mahimong pangulo sa akong katawhan nga Israel.

1 Mga Hari 22:17

Ug siya miingon, “Akong nakita ang tibuok Israel nga nagkatibulaag sa ibabaw sa kabukiran, sama sa mga karnero nga walay tigbantay. Ug ang Ginoo miingon, ‘Kini walay agalon, papaulia nga malinawon ang matag usa ngadto sa iyang balay.’ ”

Job 42:6

tungod niini, gitamay nako ang akong kaugalingon, ug naghinulsol diha sa abog ug sa abo.”

Job 7:20

Kon ako makasala, unsa may akong buhaton alang kanimo, ikaw nga magbalantay sa katawhan? Nganong gihimo man nimo ako nga imong timaan? Nganong nahimo man ako nga palas-anon nimo?

Salmo 32:5

Giila nako ang akong sala nganha kanimo, ug wala nako tagoi ang akong kasal-anan; miingon ako, “Isugid nako ang akong kalapasan ngadto sa Ginoo,” unya imong gipasaylo ang pagkadaotan sa akong sala. Selah

Salmo 44:11

Gihimo nimo kami nga sama sa mga karnero nga ihawonon, ug gipatibulaag kami ngadto sa mga nasod.

Salmo 74:1

O Dios, nganong gisalikway nimo kami hangtod sa kahangtoran? Ngano ba nga nag-aso ang imong kapungot batok sa mga karnero sa imong sibsibanan?

Salmo 78:71

gikan sa pagsunod sa mga bayeng karnero nga adunay mga gagmay, gidala niya siya, aron mahimong tigbantay ni Jacob nga iyang katawhan, ug sa Israel nga iyang panulundon.

Exodo 10:16

Unya ang Paraon mipatawag dayon kang Moises ug kang Aaron ug miingon, “Nakasala ako batok sa Ginoo nga inyong Dios ug batok kaninyo.

Isaias 6:5

Unya miingon ako, “Alaot ako! Kay ako nawala; tungod kay ako usa ka tawo nga hugaw ug mga ngabil; ug ako nagpuyo taliwala sa mga tawo nga hugaw ug mga ngabil; kay ang akong mga mata nakakita sa Hari, ang Ginoo sa mga panon!”

Jonas 1:12

Siya miingon kanila, “Sakwata ako ug itambog ngadto sa dagat aron ang dagat molinaw alang kaninyo kay ako nahibalo nga tungod kanako kining dakong bagyo midangat kaninyo.”

Zacarias 13:7

“Pagmata na, O espada, batok sa akong tigbantay sa karnero, batok sa tawo nga nagtindog sunod kanako,” nag-ingon ang Ginoo sa mga panon. “Tigbasa ang tigbantay aron ang mga karnero magkatibulaag; pabalikon nako ang akong kamot batok sa mga gagmay.

Numeros 16:22

Ug sila mihapa ug miingon “O Dios, ang Dios sa mga espiritu sa tanan nga unod, kon makasala ang usa ka tawo, masuko ba ikaw sa tibuok nga katilingban?”