2 Samuel 24:15

Ang Biblia 2011

Busa ang Ginoo nagpadala ug kamatay sa Israel gikan sa buntag hangtod sa panahon nga gitagal, ug may 70,000 ka tawo nga nangamatay sa katawhan gikan sa Dan hangtod sa Beer-seba.

Cross References

2 Samuel 24:2

Busa ang hari miingon kang Joab ug sa mga tigmando sa kasundalohan nga didto uban kaniya, “Adtoa ninyo ang tanang banay sa Israel, gikan sa Dan ngadto sa Beer-seba ug ipha ang mga tawo aron mahibaloan nako ang gidaghanon sa mga tawo.”

1 Cronicas 21:14

Busa ang Ginoo nagpadala ug usa ka kamatay ngadto sa Israel ug didtoy nangapukan nga 70,000 ka tawo sa Israel.

1 Cronicas 27:24

Si Joab nga anak ni Zeruia nagsugod sa pag-ihap apan wala makahuman, hinuon may midangat nga kapungot ngadto sa Israel tungod niini ug ang maong gidaghanon wala malakip sa mga kasaysayan ni Hari David.

1 Cronicas 27:4

Si Dodai nga Ahohanon mao ang gipiyalan sa hut-ong sa ikaduhang bulan. Si Miklot mao ang labawng tinugyanan sa iyang hut-ong. Adunay 24,000 sa iyang hut-ong.

Isaias 37:36

Unya ang anghel sa Ginoo migula ug mipatay sa 185,000 diha sa kampo sa mga Asirianhon, ug sa pagbangon sa mga tawo sayo sa pagkabuntag, nakita nila nga kining tanan mga patayng lawas.

Habacuc 3:2

O Ginoo, nakabati ako sa balita mahitungod kanimo, ug sa imong buhat, O Ginoo, ako nahadlok. Taliwala sa katuigan bag-oha kini, taliwala sa katuigan ipahibalo kini; diha sa kapungot hinumdomi ang kaluoy.

Numeros 25:9

Apan kadtong mga nangamatay pinaagi sa katalagman, 24,000.

Mateo 24:7

Kay ang usa ka nasod moalsa batok sa usa ka nasod ug gingharian batok sa gingharian ug mahitabo ang mga gutom ug mga linog sa nagkalainlaing mga dapit.

Gipadayag 6:8

Ug akong nakita ang usa ka luspad nga kabayo, ug ang nagkabayo niini ginganlan ug Kamatayon, ug ang Hades nagsunod kaniya, ug kini sila gihatagan ug kagahom ibabaw sa ikaupat nga bahin sa yuta, sa pagpamatay pinaagi sa espada ug sa gutom ug sa kamatay ug pinaagi sa pintas nga mga mananap sa yuta.

1 Samuel 6:19

Iyang gipatay ang pipila ka tawo sa Bet-semes tungod kay sila mitan-aw sa sulod sa sudlanan sa kasabotan sa Ginoo. Iyang gipatay ang 70 ka tawo gikan kanila, ug ang mga tawo nagbangotan tungod kay ang Ginoo naghimo ug dakong pagpamatay diha sa katawhan.