2 Samuel 23:5

Ang Biblia 2011

Oo, dili ba ingon niini ang pagbarog sa akong balay uban sa Dios? Kay siya naghimo uban kanako sa usa ka walay kataposan nga kasabotan, maayong pagkahan-ay ug dili mausab. Kay dili ba niya palamboon ang tanan nakong tabang ug tinguha?

Cross References

Genesis 9:16

Sa diha nga ang bangaw anaa sa panganod, tan-awon nako kini aron hinumdoman nako ang kasabotan nga dayon tali sa Dios ug sa tanang binuhat nga buhi, sa tanang matang sa unod nga anaa ibabaw sa yuta.”

2 Samuel 12:10

Busa karon ang espada dili mobiya gikan sa imong balay, tungod kay imo akong gitamay ug gikuha nimo ang asawa ni Uria nga Hitihanon aron imong maasawa.’

2 Samuel 13:14

Apan wala siya mamati kaniya, ug tungod kay labaw man siya ka kusgan kay kaniya, iyang gilugos siya ug midulog kaniya.

2 Samuel 13:28

Unya si Absalom misugo sa iyang mga sulugoon, “Timan-i ninyo sa diha nga ang kasingkasing ni Amnon magmalipayon tungod sa bino, ug sa diha nga ako moingon kaninyo, ‘Tigbasa si Amnon,’ patya siya. Ayaw kahadlok; wala ba ako magsugo kaninyo? Pagmalig-on kamo ug pagmaisogon.”

2 Samuel 18:14

Unya si Joab miingon, “Dili na ako magdugay sa ingon niini uban kanimo.” Ug siya mikuha ug tulo ka udyong sa iyang kamot ug giduslak kini ngadto sa kasingkasing ni Absalom samtang buhi pa siya didto sa dakong kahoy.

2 Samuel 7:12

Sa diha nga ang imong mga adlaw matuman na, ug ikaw mopahulay tupad sa imong katigulangan, akong patindogon ang imong kaliwat sunod kanimo, nga mogula gikan sa imong lawas ug akong lig-onon ang iyang gingharian.

2 Samuel 7:18

Unya si Hari David misulod ug milingkod sa atubangan sa Ginoo, ug miingon, “Kinsa ako, O Ginoong Dios, ug unsa ba ang akong balay nga gidala man nimo ako hangtod niini nga kalayoon?

1 Mga Hari 1:5

Unya si Adonias, ang anak nga lalaki ni Hagit nagpagarbo sa iyang kaugalingon, nga nag-ingon, “Ako mahimong hari.” Ug siya nangandam alang sa iyang kaugalingon ug mga karwahi ug mga tigpangabayo ug 50 ka tawo nga magdagan una kaniya.

1 Mga Hari 11:38

Ug kon ikaw mamati sa tanan nga akong gisugo kanimo ug maglakaw sa akong mga dalan ug magbuhat sa matarong diha sa akong mga mata, sa pagtuman sa akong mga lagda ug sa akong mga sugo sama sa gihimo ni David nga akong sulugoon, ako mag-uban kanimo ug magtukod kanimo ug usa ka balay nga lig-on, ingon nga ako nagtukod alang kang David, ug ihatag nako ang Israel kanimo.

1 Mga Hari 12:14

ug nagsulti kanila sumala sa tambag sa mga batan-ong lalaki nga nag-ingon, “Ang akong amahan naghimo sa inyong yugo nga bug-at, apan ako magdugang sa inyong yugo; ang akong amahan nagkastigo kaninyo pinaagi sa mga latigo apan ako magkastigo kaninyo pinaagi sa mga tanga.”

Salmo 111:9

Nagpadala siya ug kaluwasan ngadto sa iyang katawhan; nagsugo siya sa iyang kasabotan hangtod sa kahangtoran. Balaan ug kalisangan ang iyang ngalan!

Salmo 119:81

Nangandoy ang akong kalag alang sa imong pagluwas, naglaom ako sa imong pulong.

Salmo 27:4

Usa ka butang ang akong gipangayo sa Ginoo, nga akong pangitaon; nga makapuyo ako sa balay sa Ginoo sa tanang mga adlaw sa akong kinabuhi, aron sa pagsud-ong sa katahom sa Ginoo, ug sa pagpakisayod diha sa iyang Templo.

Salmo 62:2

Siya lamang mao ang akong bato ug ang akong kaluwasan, ang akong salipdanan; dili gayod ako matarog.

Salmo 89:3

Ikaw nag-ingon, “Naghimo ako ug kasabotan uban sa akong pinili, nanumpa ako kang David nga akong alagad:

Isaias 11:1

Adunay motunga nga saha gikan sa tuod ni Jesse, ug usa ka sanga motubo gikan sa iyang mga gamot.

Isaias 27:6

Sa mga adlaw nga moabot si Jacob mogamot, si Israel mamulak ug manalingsing ug pun-on sa bunga ang tibuok kalibotan.

Isaias 4:2

Nianang adlawa, ang sanga sa Ginoo mahimong matahom ug mahimayaon, ug ang bunga sa yuta mahimong garbo ug himaya sa mga nahibilin sa Israel.

Isaias 54:10

Kay ang kabukiran mawala ug ang kabungtoran mabalhin, apan ang akong gugmang walay paglubad dili mobulag kanimo, ug ang akong kasabotan sa pakigdait dili mahanaw, nag-ingon ang Ginoo nga adunay kaluoy kanimo.

Isaias 55:3

Ikiling ang imong igdulungog ug ngari kanako; pamati ug ang imong kalag mabuhi; ug ako magbuhat ug usa ka walay kataposang kasabotan uban kaninyo, ang akong walay paglubad ug kasaligan nga gugma alang kang David.

Isaias 61:8

Kay ako, ang Ginoo, nahigugma sa hustisya, gidumtan nako ang pagpangawat ug ang kasaypanan; ako matinud-anon nga maghatag kanila sa ilang balos, ug ako maghimo ug walay kataposang kasabotan uban kanila.

Isaias 7:14

Busa ang Ginoo gayod maoy maghatag kaninyo ug usa ka ilhanan. Tan-awa, ang usa ka batan-ong babaye magsamkon, ug manganak ug usa ka batang lalaki, ug tawgon ang iyang ngalan ug Emmanuel.

Jeremias 32:40

Buhaton nako uban kanila ang walay kataposang kasabotan, nga dili ako mobiya sa pagbuhat ug maayo kanila ug akong ibutang ang pagkahadlok kanako diha sa ilang mga kasingkasing, aron dili sila mobiya kanako.

Jeremias 33:21

ang kasabotan usab nako uban kang David nga akong alagad malapas, nga tungod niana wala siyay anak nga maghari ibabaw sa iyang trono ug sa mga Levihanon nga mga pari nga nag-alagad kanako.

Ezequiel 37:26

Maghimo ako ug kasabotan sa pakigdait uban kanila. Kini mahimo nga usa ka kasabotan nga walay kataposan uban kanila, ug panalanginan nako sila ug padaghanon, ug ipahiluna nako ang akong balaan nga puluy-anan sa taliwala nila hangtod sa kahangtoran.

Amos 9:11

“Nianang adlawa akong patindogon ang balongbalong ni David nga napukan ug ayohon ang mga nangalumpag niini, ug akong bangonon ang mga nangaguba niini, ug tukoron kini nako pag-usab ingon sa mga adlaw sa kakaraanan;

Mga Buhat 13:34

Ug mahitungod sa iyang pagbanhaw kaniya gikan sa mga patay, sa wala nay pagbalik ngadto sa pagkadunot, siya misulti sa ingon niini, ‘Ihatag nako kaninyo ang balaan ug kasaligan nga mga panalangin kang David.’

Mga Hebreo 13:20

Karon hinaot nga ang Dios sa kalinaw nga nagbanhaw sa atong Ginoong Jesus, ang dakong magbalantay sa mga karnero, pinaagi sa dugo sa dayon nga kasabotan,

Mga Hebreo 6:19

Gibatonan nato kini ingon nga usa ka kasaligan ug lig-on nga angkla sa kalag, usa ka paglaom nga molatas ngadto sa kinasulorang bahin sa templo luyo sa tabil,

1 Samuel 2:35

Magpabarog ako alang sa akong kaugalingon ug usa ka matinumanon nga pari, nga magbuhat sumala sa anaa sa akong kasingkasing ug hunahuna. Ako magtukod alang kaniya ug usa ka lig-on nga balay, ug siya mosulod ug mogawas sa atubangan sa akong dinihogan hangtod sa kahangtoran.

1 Samuel 25:28

Naghangyo ako, pasayloa ang sala sa imong sulugoon nga babaye, kay sa pagkatinuod, ang Ginoo maghimo ug usa ka lig-ong balay alang sa akong agalon tungod kay ang akong agalon nakig-away man diha sa mga gubat sa Ginoo, ug ang daotan dili makaplagan diha kanimo sa tanan nimong mga adlaw.