2 Samuel 23:22

Ang Biblia 2011

Kining mga butanga gihimo ni Benaias nga anak ni Jehoiada ug nakahimo kaniya nga inila sama sa tulo ka gamhanang mga tawo.

Cross References

2 Samuel 20:7

Ug may mikuyog uban kaniya nga mga tawo ni Joab, ug mga Keretihanon, ug mga Peletihanon ug tanang mga isog nga tawo, ug nanggula sila sa Jerusalem aron sa paggukod kang Seba nga anak ni Bikri.

2 Samuel 23:20

Si Benaias nga anak ni Jehoiada usa ka isog nga tawo sa Kabseel, nga nakahimo ug dagkong mga buhat, siya ang nagpatay sa duha ka ariel sa Moab. Siya milugsong usab ug nakapatay ug usa ka liyon diha sa usa ka gahong usa ka adlaw niana nga nag-ulan ug yelo.

2 Samuel 23:21

Ug iyang gipatay ang usa ka Ehiptohanon nga ambongan. Ang Ehiptohanon may usa ka bangkaw sa iyang kamot, apan misulong si Benaias ngadto kaniya nga may usa ka sungkod ug giilog ang bangkaw gikan sa kamot sa Ehiptohanon, ug gipatay siya pinaagi sa iyang kaugalingong bangkaw.

2 Samuel 23:23

Nahimo siyang inila sa 30 apan wala siya makatupong sa tulo. Ug gitudlo siya ni David nga labaw sa iyang mga bantay.

2 Samuel 8:18

ug si Benaias nga anak ni Jehoiada maoy nangulo sa mga Keretihanon ug sa mga Peletihanon, ug ang mga anak nga lalaki ni David maoy mga pari.