2 Samuel 23:16

Ang Biblia 2011

Ug ang tulo ka gamhanang tawo milatas taliwala sa kampo sa mga Filistihanon, ug mitimba ug tubig gikan sa atabay sa Betlehem nga duol sa ganghaan, ug mikuha niini ug gidala kini ngadto kang David. Apan siya wala moinom niini kondili gibubo kini ngadto sa Ginoo,

Cross References

Genesis 35:14

Ug si Jacob nagpatindog ug usa ka haligi didto sa dapit diin ang Dios nakigsulti kaniya, usa ka haligi nga bato, ug iya kining gibuboan ug halad nga ilimnon ug lana sa ibabaw niini.

2 Samuel 23:9

Sunod kaniya uban sa tulo ka gamhanang tawo mao si Eleasar nga anak ni Dodo nga anak ni Ahohi. Kuyog siya ni David sa diha nga gisuklan nila ang mga Filistihanon nga nagtigom didto alang sa panag-away ug ang mga tawo sa Israel misibog.

1 Cronicas 11:18

Unya ang tulo misulod sa taliwala sa panon sa mga Filistihanon, ug nagkuha ug tubig gikan sa atabay sa Betlehem, nga didto duol sa ganghaan, ug gidala kini ngadto kang David. Apan si David wala moinom niini, kondili gibubo niya kini alang sa Ginoo,

Ecclesiastes 4:12

Ug bisan kon ang usa ka tawo mopatigbabaw batok niadtong nag-inusara, ang duha makasukol kaniya. Ang tulo ka lubid nga pisi dili daling mabugto.

Mga Pagbangotan 2:19

Bangon, tiyabaw sa kagabhion, sa pagsugod sa mga pagtukaw! Ibubo ang imong kasingkasing sama sa tubig diha sa atubangan sa Ginoo! Bayawa ang imong mga kamot ngadto kaniya alang sa kinabuhi sa imong mga kabataan nga naluya tungod sa kagutom diha sa ulohan sa matag dalan.

Numeros 28:7

Ug ang halad nga ilimnon niini mao ang ikaupat nga bahin sa usa ka hin alang sa matag nating karnero. Sa dapit nga balaan magbubo ikaw ug halad nga ilimnon nga isog, ilimnon alang sa Ginoo.

Mga Buhat 20:24

Hinuon ako wala mag-isip sa akong kinabuhi nga bililhon o mahalon alang kanako, basta lamang mahuman nako ang akong tulumanon ug ang katungdanan nga akong nadawat gikan sa Ginoong Jesus, sa pagsaksi alang sa Maayong Balita sa grasya sa Dios.

Roma 5:7

Lisod ang pagpakamatay alang sa usa ka tawong matarong, hinuon aduna tingali magpakamatay alang sa usa ka maayong tawo.

2 Mga Taga-Corinto 5:14

Kay ang gugma ni Cristo nagpugong kanamo, tungod kay kami naghukom man sa ingon niini, nga may usa nga nagpakamatay alang sa tanan busa ang tanan nangamatay.

Mga Taga-Filipos 2:17

Apan kon ibubo ako diha sa inyong halad nga inihaw ug sa halad sa inyong pagtuo, ikalipay ko kini ug ako maglipay uban kaninyong tanan.

1 Samuel 19:5

Kay gibutang niya ang iyang kinabuhi diha sa iyang kamot ug gipatay ang Filistihanon, ug ang Ginoo naghimo ug usa ka dakong kadaogan sa tibuok Israel. Ikaw nakakita niana ug nalipay. Ngano nga magpakasala man ikaw batok sa dugo sa walay sala pinaagi sa pagpatay kang David sa walay hinungdan?”

1 Samuel 7:6

Busa sila nagtigom didto sa Mispa ug nagkalos ug tubig ug gibubo kini sa atubangan sa Ginoo. Nagpuasa sila niadtong adlawa ug miingon, “Kami nakasala batok sa Ginoo.” Ug si Samuel nahimong maghuhukom sa katawhan sa Israel didto sa Mispa.