2 Samuel 22:43

Ang Biblia 2011

Gidugmok nako sila sama sa abog sa yuta, giyatakyatakan ug gitumban nako sila sama sa lapok sa kadalanan.

Cross References

2 Samuel 7:9

Ug giubanan ko ikaw bisan diin ikaw moadto, ug gipuo nako ang tanan nimong mga kaaway gikan sa imong atubangan, ug himoon nakong bantogan ang imong ngalan sama sa ngalan sa mga bantogang tawo sa kalibotan.

2 Mga Hari 13:7

Kay walay mahibilin kang Jehoahas nga kasundalohan nga labaw sa 50 ka tigpangabayo ug napulo ka karwahi ug napulo ka libo ka sundalo nga naglakaw, kay sila gilaglag sa hari sa Siria ug gihimo sila nga sama sa abog nga gitamaktamakan.

Salmo 18:42

Gidugmok nako sila sama sa abog sa atubangan sa hangin; giyabyab nako sila sama sa lapok sa kadalanan.

Salmo 35:5

Himoa sila nga sama sa uhot diha sa hangin, ug ang anghel sa Ginoo mag-abog kanila!

Isaias 10:6

Batok sa usa ka mapasipalahon nga nasod paadtoon nako siya, ug batok sa katawhan sa akong kaligutgot ako magsugo kaniya, sa pagkuha sa inilog ug sa pag-agaw sa sinakmit, ug aron sila tumban sama sa lapok sa mga dalan.

Isaias 26:15

Apan imong gipadako ang nasod, O Ginoo, imong gipadako ang nasod, ikaw gihimaya; imong gipalapdan ang tanang mga utlanan sa yuta.

Isaias 41:2

Kinsay nag-aghat sa usa nga gikan sa silangan, nga gitagbo sa kadaogan diha sa matag lakang? Gitugyan niya ang mga nasod diha sa iyang atubangan nga tungod niana gipangyatakan niya ang mga hari; gihimo niya sila nga sama sa abog pinaagi sa iyang espada, sama sa uhot nga mapadpad sa iyang pana.

Isaias 41:25

Ako nag-aghat sa usa nga gikan sa amihanan, ug siya miabot na, gikan sa silangan sa adlaw ug siya magtawag sa akong ngalan; ug siya magyatak sa ibabaw sa mga tigmando ingon sa minasang lapok, ug ingon sa magkukulon nga nagyatak sa kulonon.

Daniel 2:35

Unya ang puthaw, ang yutang kulonon, ang bronsi, ang plata ug ang bulawan, nagdungan pagkadugmok ug nangahimong sama sa tahop sa giokanan sa panahon sa ting-init, ug gipadpad kini sa hangin nga wala nay makita nga agi niini. Apan ang bato nga naghapak sa larawan nahimong usa ka dakong bukid ug gilukop ang tibuok kalibotan.

Miqueas 7:10

Unya ang akong kaaway makakita niini, ug ang kaulaw magtabon kaniya nga nag-ingon kanako, “Hain man ang Ginoo nga imong Dios?” Ang akong mga mata magpasigarbo batok kaniya; karon siya tamakan sama sa lapok sa kadalanan.

Zacarias 10:5

Sila mahisama sa mga kusgang tawo sa panggubatan, magyatak sa mga kaaway diha sa lapok sa kadalanan; sila makig-away kay ang Ginoo nag-uban man kanila, ug palibogon nila ang nga tigpangabayo.

Zacarias 2:6

Dali! Dali! Biya kamo gikan sa yuta sa amihanan, nag-ingon ang Ginoo, kay gikatag na kamo nako ingon sa upat ka hangin sa kalangitan, nag-ingon ang Ginoo.

Malaquias 4:1

“Tan-awa, ang adlaw nagsingabot, nagdilaab sama sa hudno, nga ang tanang mga mapahitas-on ug ang tanang tigbuhat ug daotan mangahimong tuod. Ang adlaw nga moabot magsunog kanila, nag-ingon ang Ginoo sa mga panon, aron kini dili magbilin kanila bisan gamot o sanga.

Lucas 21:24

Sila mangamatay sa sulab sa espada ug bihagon sila ngadto sa tanang kanasoran, ug ang Jerusalem tamakan sa mga Gentil hangtod matuman na ang mga panahon sa mga Gentil.

Deuteronomio 32:26

Moingon unta ako, “Patibulaagon nako sila sa layo, pahunongon nako sa taliwala sa mga tawo ang handomanan nila,”