2 Samuel 22:31

Ang Biblia 2011

Kini nga Dios, ang iyang dalan hingpit; ang saad sa Ginoo matuod gayod; siya usa ka taming niadtong tanan nga modangop kaniya.

Cross References

2 Samuel 22:3

ang Dios, akong bato, nga kaniya ako modangop, akong taming ug sungay sa akong kaluwasan, akong panalipod ug akong dalangpanan, akong manluluwas; ikaw nagluwas kanako gikan sa kapintas.

Nehemias 9:8

Ug nakita nimo ang iyang kasingkasing nga matinumanon sa imong atubangan ug naghimo ikaw ug usa ka kasabotan uban kaniya sa paghatag sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Jebusihanon ug sa mga Gergasihanon ngadto sa iyang mga kaliwat ug imong gituman ang imong mga saad kay ikaw matarong.

Job 34:10

“Busa patalinghogi ako ninyo, kamo nga mga tawo nga adunay panabot, ipalayo unta kini sa Dios nga siya maghimo ug kadaot ug sa Labing Gamhanan nga mohimo siya ug kasaypanan.

Salmo 119:140

Ang imong pulong napamatud-an gayod, ug ang imong alagad nahigugma niini.

Salmo 12:6

Ang mga saad sa Ginoo maoy mga saad nga lunsay, sama sa plata nga gilunsay diha sa hudno ibabaw sa yuta, gilunsay sa makapito.

Salmo 145:17

Ang Ginoo matarong sa tanan niyang mga paagi, ug maayo sa tanan niyang mga buhat.

Salmo 18:30

Kini nga Dios, ang iyang dalan hingpit; ang saad sa Ginoo namatud-an nga matuod; siya mao ang taming sa tanang mga modangop kaniya.

Salmo 2:7

Imantala nako ang sugo sa Ginoo: Siya nag-ingon kanako, “Ikaw mao ang akong anak, niining adlawa gihimo ko ikaw nga anak.

Salmo 35:2

Kupti ang taming ug ang sagang, ug tindog aron sa pagtabang kanako!

Salmo 84:9

Tan-awa ang among taming, O Dios; ug sud-onga ang nawong sa imong dinihogan!

Salmo 91:4

Tabonan ikaw niya sa iyang mga dagang, ug sa ilalom sa iyang mga pako, magpasilong ikaw; ang iyang pagkamatinumanon mao ang taming ug panalipod.

Mga Panultihon 30:5

Ang matag pulong sa Dios matuod gayod; siya usa ka taming ngadto sa modangop kaniya.

Ecclesiastes 3:14

Ako nasayod nga bisan unsa ang buhaton sa Dios, molungtad kini hangtod sa kahangtoran; walay ikadugang niini, o makuhaan kini sa bisan unsa; ang Dios nagbuhat sa ingon aron ang mga tawo mahadlok gayod sa iyang atubangan.

Daniel 4:34

Sa kataposan sa mga adlaw, ako, si Nabucodonosor miyahat sa akong mga mata ngadto sa langit ug ang akong salabotan nahiuli kanako. Akong gihimaya ang Labing Halangdon ug gidayeg ug gipasidunggan siya nga buhi hangtod sa kahangtoran, kay ang iyang paghari walay kataposan nga paggahom, ug ang iyang gingharian naglungtad gikan sa kaliwatan ngadto sa laing kaliwatan.

Daniel 4:37

Karon ako, si Nabucodonosor, nagdayeg ug nagbayaw ug nagpasidungog sa Hari sa langit, kay ang tanan niyang mga buhat husto ug ang iyang mga pamaagi matarong ug kadtong naglakaw diha sa pagpagarbo iyang ipaubos.

Mateo 5:48

Busa kinahanglang magmahingpit kamo ingon nga hingpit ang inyong Amahan nga langitnon.

Deuteronomio 32:4

“Ang Bato, ang iyang buhat hingpit, kay ang tanan niyang mga paagi matarong. Dios sa pagkamatinumanon ug walay kasal-anan, matarong ug tul-id siya.

Gipadayag 15:3

Ug sila nag-awit sa awit ni Moises nga sulugoon sa Dios ug sa awit sa Nating Karnero, nga nag-ingon, “Dako ug kahibulongan ang imong mga buhat, O Ginoong Dios nga Makagagahom sa Tanan! Matarong ug matuod ang imong mga pamaagi, O Hari sa kanasoran!