2 Samuel 22:25

Ang Biblia 2011

Busa ang Ginoo nagbalos kanako sumala sa akong pagkamatarong, sumala sa akong kahinlo diha sa iyang panan-aw.

Cross References

2 Samuel 22:21

“Ang Ginoo nagganti kanako sumala sa akong pagkamatarong; sumala sa kahinlo sa akong mga kamot iya akong gibalosan.

1 Mga Hari 3:6

Ug si Solomon miingon, “Ikaw nagpakita ug dako ug walay paglubad nga gugma ngadto sa imong sulugoon nga si David nga akong amahan tungod kay naglakaw siya sa atubangan nimo diha sa pagkamatinumanon, sa pagkamatarong, sa katul-id sa kasingkasing uban kanimo, ug ikaw nagtagana alang kaniya niining dako ug walay paglubad nga gugma ug naghatag kaniya ug usa ka anak nga lalaki aron molingkod sa iyang trono niining adlawa.

Mga Panultihon 11:31

Kon ang matarong balosan dinhi sa yuta, unsa pa kaha ang daotan ug ang makasasala!

Mga Panultihon 5:21

Kay ang mga dalan sa tawo anaa sa atubangan sa mga mata sa Ginoo ug nagbantay siya sa tanan niyang mga agianan.

Isaias 3:10

Suginli ang mga matarong nga kini maayo alang kanila, kay sila makakaon sa bunga sa ilang binuhatan.

2 Mga Taga-Corinto 5:10

Kay kitang tanan kinahanglan mangatubang sa hukmanan ni Cristo aron ang matag usa modawat sumala sa nabuhat sa iyang lawas, maayo man o daotan.

1 Samuel 26:23

Ang Ginoo magganti sa matag tawo tungod sa iyang pagkamatarong ug sa iyang pagkamatinumanon, kay ang Ginoo nagtugyan kanimo nganhi sa akong kamot niining adlawa, ug dili ako mobakyaw sa akong kamot batok sa dinihogan sa Ginoo.