2 Samuel 22:20

Ang Biblia 2011

Iya akong gidala ngadto sa usa ka lapad nga dapit; siya nagluwas kanako tungod kay nahimuot siya kanako.

Cross References

Genesis 26:22

Ug mipahawa siya didto, ug nagkalot ug laing atabay, ug alang niini wala na sila mag-away ug kini ginganlan niya ug Rehobot ug siya miingon, “Kay karon ang Ginoo mihatag ug dapit alang kanato ug magmabungahon kita sa yuta.”

2 Samuel 15:26

Apan kon siya moingon, ‘Ako walay kalipay diha kanimo,’ tan-awa ania ako, ipabuhat niya ngari kanako kon unsay maayo alang kaniya.”

2 Samuel 22:37

Ikaw naghatag kanako ug lapad nga dapit alang sa akong mga lakang, ug ang akong mga tiil wala madalin-as;

1 Cronicas 4:10

Si Jabes nagsangpit sa Dios sa Israel, nga nag-ingon, “O, hinaot unta nga panalanginan nimo ako ug padak-an ang akong utlanan ug nga ang imong kamot mag-uban kanako ug ikaw maglikay kanako gikan sa kadaotan aron dili kini makadaot kanako!” Ug ang Dios mihatag kaniya sa iyang gipangayo.

Salmo 118:5

Tungod sa akong kalisdanan misangpit ako sa Ginoo; mitubag kanako ang Ginoo ug gibutang niya ako sa dapit nga lapad.

Salmo 147:11

apan ang Ginoo may kalipay diha sa mga may kahadlok kaniya, diha sa mga naglaom sa iyang gugmang walay paglubad.

Salmo 149:4

Kay ang Ginoo mahimuot sa iyang katawhan, iyang dayandayanan ang mga mapaubsanon uban sa kadaogan.

Salmo 22:8

“Itugyan ang imong kaugalingon sa Ginoo; ipaluwas siya niya; ipaluwas siya kaniya kay gikahimut-an man niya siya!”

Salmo 31:8

ug wala nimo ako itugyan ngadto sa kamot sa kaaway; gipahimutang nimo ang akong mga tiil sa lapad nga dapit.

Salmo 31:9

Kaluy-i ako O Ginoo, kay ania ako sa kagul-anan; ang akong mata naluya tungod sa kasubo, ang akong kalag ug ang akong lawas usab.

Isaias 42:1

Tan-awa, ang akong sulugoon, nga akong gipataas, akong pinili, nga kaniya ang akong kalag nalipay; ako nagbutang sa akong Espiritu ibabaw kaniya, siya magdala ug hustisya sa mga kanasoran.

Oseas 4:16

Sama sa masukihon nga dumagang baka, ang Israel masukihon; makapakaon ba ang Ginoo kanila karon sama sa usa ka nating karnero diha sa lapad nga sibsibanan?

Mateo 17:5

Samtang nagsulti pa siya, dihay usa ka silaw nga panganod nga mitabon kanila ug gikan sa panganod dihay usa ka tingog nga nag-ingon, “Mao kini ang akong Anak nga pinalangga, diha kaniya nalipay ako, pamati kaniya.”

Mateo 27:43

Nagsalig siya sa Dios, ipaluwas siya sa Dios karon, kon nangandoy man siya kaniya kay nag-ingon siya, ‘Ako ang Anak sa Dios.’ ”

Mateo 3:17

Ug dihay usa ka tingog gikan sa langit nga nag-ingon, “Kini mao ang akong Anak nga pinalangga, kaniya nalipay ako pag-ayo.”