2 Samuel 22:17

Ang Biblia 2011

“Siya mikab-ot gikan sa itaas, iya akong gikuha, iya akong gihaw-as gikan sa daghang katubigan.

Cross References

2 Samuel 22:18

Iya akong giluwas gikan sa akong kaaway nga kusgan, gikan kanila nga nagdumot kanako, kay sila gamhanan pa kay kanako.

Salmo 130:1

Gikan sa mga kahiladman nagtuaw ako kanimo, O Ginoo!

Salmo 144:7

Tuy-ora ang imong kamot gikan sa kahitas-an, luwasa ako ug ipalingkawas ako gikan sa daghang katubigan, gikan sa kamot sa mga langyaw,

Salmo 18:16

Mikab-ot siya gikan sa itaas, gikuha niya ako; gihaw-as niya ako gikan sa daghang mga katubigan.

Salmo 32:6

Tungod niini ang matag usa nga diosnon mag-ampo kanimo; sa panahon sa kalisdanan, ang dakong baha sa tubig, dili sila makaabot kaniya.

Exodo 2:10

Sa pagkadako na sa bata gidala siya sa inahan ngadto sa anak nga babaye sa Paraon, ug siya nahimo nga iyang anak, ug ginganlan niya siya ug Moises, kay siya miingon man, “Tungod kay siya gikuha nako gikan sa tubig.”

Isaias 43:2

Sa diha nga ikaw molatas sa katubigan ako mag-uban kanimo, ug sa mga kasapaan, kini dili makalapaw kanimo; sa diha nga ikaw maglakaw latas sa kalayo, ikaw dili masunog ug ang kalayo dili maglamoy kanimo.

Mga Pagbangotan 3:54

ang tubig milapaw sa akong ulo; miingon ako, ‘Mamatay na ako.’

Gipadayag 17:15

Ug siya miingon kanako, “Ang katubigan nga imong nakita, diin naglingkod ang daotang babaye, mao mga tawo ug mga panon ug ang mga kanasoran ug mga pinulongan.