2 Samuel 22:14

Ang Biblia 2011

Ang Ginoo midahunog gikan sa langit, ug ang Labing Halangdon mipabati sa iyang tingog.

Cross References

Job 40:9

Aduna ka bay bukton sama sa Dios, ug makapadalugdog ba ikaw ug tingog sama kaniya?

Exodo 19:6

Ug alang kanako kamo mahimo nga usa ka gingharian sa mga pari, ug usa ka balaan nga nasod. Kini mao ang mga pulong nga imong isulti sa mga anak sa Israel.”

Isaias 30:30

Ug ang Ginoo maghimo nga ang iyang halangdong tingog madungog, ug magpakita sa pagpaubos sa iyang bukton, diha sa pintas nga kasuko ug sa siga sa kalayo nga maglamoy, uban ang unos ug bagyo ug ulan nga yelo.

Ezequiel 10:5

Ug ang kanaas sa mga pako sa mga kerubin nadungog bisan pa sa gawas nga hawanan, sama sa tingog sa Dios nga Labing Gamhanan sa diha nga siya mosulti.

Gipadayag 11:19

Unya nabukas ang Templo sa Dios didto sa langit, ug sulod sa iyang Templo nakita ang sudlanan sa iyang kasabotan ug dihay pagpangilat, kusog nga mga kagahob, mga dalugdog, linog, ug kusog nga pag-ulan ug yelo.

Mga Maghuhukom 5:20

Gikan sa langit nakig-away ang mga bituon, gikan sa ilang mga agianan nakig-away sila batok kang Sisera.

1 Samuel 2:10

Kadtong makigbatok sa Ginoo, mangapusgay; batok kanila siya modahunog diha sa langit. Ang Ginoo maghukom sa tibuok kalibotan; maghatag siya ug kalig-on sa iyang hari, ug magbayaw sa gahom sa iyang dinihogan.”

1 Samuel 7:10

Samtang naghalad pa si Samuel sa halad nga sunogon, mipaduol ang mga Filistihanon aron sa pagsulong sa Israel, apan ang Ginoo nagpadahunog ug dakong tingog batok sa mga Filistihanon niadtong adlawa ug gipalibog sila, ug gibuntog sa atubangan sa Israel.