2 Samuel 21:9

Ang Biblia 2011

Ug sila gitugyan niya ngadto sa mga kamot sa mga Gibeonhanon ug sila gibitay nila didto sa bukid sa atubangan sa Ginoo ug nangapukan pagdungan silang pito. Gipamatay sila sulod sa unang mga adlaw sa pag-ani, sa sinugdan sa pag-ani sa sebada.

Cross References

2 Samuel 21:6

itugot nga ang pito sa iyang mga anak nga lalaki itugyan kanamo ug sila among bitayon alang sa Ginoo didto sa Gibea ni Saul, ang pinili sa Ginoo.” Ug ang hari miingon, “Itugyan nako sila.”

2 Samuel 6:17

Ug ilang gidala ang sudlanan sa kasabotan sa Ginoo, ug gipahiluna kini sa iyang dapit sa sulod sa tolda nga gipatindog ni David alang niini ug si David naghalad ug mga halad nga sunogon ug mga halad sa pakigdait sa atubangan sa Ginoo.

2 Samuel 6:21

Ug si David miingon kang Mical, “Gihimo nako kini atubangan sa Ginoo nga nagpili kanako labaw sa imong amahan, ug labaw sa tibuok niyang balay, aron sa pagtudlo kanako ingon nga pangulo sa katawhan sa Ginoo, sa Israel, busa naghudyaka ako atubangan sa Ginoo.

Exodo 20:5

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Exodo 9:31

Ang mga tanom nga himoon ug lino ug ang sebada nangadaot kay ang sebada nangauhay na ug ang tanom nga himoon ug lino namulak na.

Exodo 9:32

Apan ang mga trigo wala mangadaot kay ulahi man kining nangahinog.

Numeros 25:4

Ug ang Ginoo miingon kang Moises, “Kuhaa ang tanang kadagkoan sa katawhan ug bitaya sila sa atubangan sa Ginoo, binuwad sa adlaw, aron ang bangis nga kasuko sa Ginoo magpalayo gikan sa Israel.”

Deuteronomio 21:22

“Ug kon ang usa ka tawo makasala ug angayng silotan sa kamatayon ug siya patyon ug bitayon ninyo diha sa usa ka kahoy,

Ruth 1:22

Busa si Naomi mipauli ug si Ruth nga Moabihanon nga iyang umagad miuli uban kaniya gikan sa yuta sa Moab. Ug sila miabot sa Betlehem sa pagsugod sa pagpangani sa mga sebada.

1 Samuel 15:33

Apan si Samuel miingon, “Ingon nga ang imong espada naghimo sa mga kababayen-an nga nawad-an ug anak, ingon usab ang imong inahan mawad-an ug anak taliwala sa kababayen-an.” Ug si Samuel mitagodtagod kang Agag sa atubangan sa Ginoo didto sa Gilgal.