2 Samuel 21:7

Ang Biblia 2011

Apan ang hari mipalingkawas kang Mefiboset nga anak ni Jonatan nga anak ni Saul, tungod sa panumpa sa Ginoo nga diha sa taliwala nila, taliwala ni David ug ni Jonatan nga anak ni Saul.

Cross References

2 Samuel 16:4

Unya ang hari miingon kang Ziba, “Tan-awa, ang tanan nga iya ni Mefiboset maimoha na.” Ug si Ziba miingon, “Ako moyukbo. Itugot nga makakaplag ako ug kahimuot sa imong panan-aw, agalon ko nga hari.”

2 Samuel 19:25

Ug sa pag-abot niya gikan sa Jerusalem aron sa pagpakigkita sa hari, ang hari miingon kaniya, “Nganong wala man ikaw mouban kanako, Mefiboset?”

2 Samuel 4:4

Si Jonatan nga anak ni Saul, adunay usa ka anak nga lalaki nga piang ang tiil. Lima ka tuig ang iyang panuigon sa dihang midangat ang mga balita mahitungod kang Saul ug kang Jonathan gikan sa Jesreel, ug gikuha siya sa iyang tig-atiman ug mikagiw, ug sa diha nga nagdalidali siya pagkagiw, ang bata nahulog ug napiang. Ug ang iyang ngalan mao si Mefiboset.

2 Samuel 9:1

Unya si David miingon, “Aduna pa bay nahibilin sa balay ni Saul aron ako makapakita kaniya ug kaluoy tungod ug alang kang Jonathan?”

2 Samuel 9:10

Ikaw ug ang imong mga anak nga lalaki ug ang imong mga sulugoon mag-uma alang kaniya ug dad-on nimo dinhi ang mga abot aron ang anak sa imong agalon adunay pan nga kaonon, apan si Mefiboset nga anak sa imong agalon, anhi na magkaon kanunay sa akong lamisa.” Ug si Ziba may napulo ug lima ka anak nga lalaki ug 20 ka sulugoon.

2 Samuel 9:6

Unya si Mefiboset nga anak ni Jonatan nga anak ni Saul miadto kang David ug mihapa ug mihatag ug katahoran. Ug si David miingon, “Mefiboset!” Ug siya mitubag, “Ania ang imong ulipon!”

2 Samuel 9:7

Ug si David miingon kaniya, “Ayaw kahadlok kay ako magpakita kanimo ug kaluoy tungod ug alang kang Jonatan nga imong amahan, ug iuli nako kanimo ang tanang yuta ni Saul nga imong apohan, ug anhi ka na magkaon kanunay sa akong lamisa.”

Ecclesiastes 8:2

Tumana ang sugo sa hari, ug tungod sa balaan nimo nga panumpa ayaw kahadlok;

1 Samuel 18:3

Unya si Jonatan naghimo ug usa ka kasabotan uban kang David tungod kay gihigugma niya siya sama sa iyang kaugalingong kalag.

1 Samuel 20:12

Si Jonatan miingon kang David, “Pinaagi sa Ginoo, ang Dios sa Israel, sa diha nga masuta nako ang akong amahan sa ingon niining taknaa ugma o sa ikatulo nga adlaw, kon siya maayo kang David, dili ba diay ako magpadala nganhi ug itug-an kini kanimo?

1 Samuel 20:15

Ug ayaw bugtoa ang imong pagkamatinud-anon gikan sa akong balay hangtod sa kahangtoran, bisan sa diha nga puohon sa Ginoo ang tanang kaaway ni David gikan sa ibabaw sa yuta.”

1 Samuel 20:17

Ug gipapanumpa pag-usab ni Jonatan si David nga higugmaon siya kay gihigugma man niya si David sama sa iyang kaugalingong kalag.

1 Samuel 20:42

Unya si Jonatan miingon kang David, “Lakaw uban ang kalinaw tungod kay kita nakapanumpa na sa ngalan sa Ginoo, nga nag-ingon, ‘Ang Ginoo nagpataliwala kanako ug kanimo ug sa akong kaliwat ug sa imong kaliwat hangtod sa kahangtoran.’ ” Ug siya mitindog ug milakaw ug si Jonatan misulod sa siyudad.

1 Samuel 20:8

Busa ayoha pagtagad ang imong sulugoon kay imong gidala ang imong sulugoon ngadto sa usa ka kasabotan sa Ginoo uban kanimo. Apan kon aduna akoy sala, pangunayi ako pagpatay, kay nganong dad-on pa man ako nimo ngadto sa imong amahan?”

1 Samuel 23:18

Unya silang duha naghimo ug kasabotan sa atubangan sa Ginoo, ug si David nagpabilin sa Hores ug si Jonatan mipauli.

1 Samuel 24:22

Ug si David nanumpa niini kang Saul. Unya si Saul mipauli apan si David ug ang iyang mga tawo nangadto sa lig-ong kuta.