2 Samuel 20:9

Ang Biblia 2011

Ug si Joab miingon kang Amasa, “Maayo ba ang imong kahimtang, akong igsoon?” Ug gikuptan ni Joab si Amasa sa iyang bungot pinaagi sa iyang tuong kamot aron sa paghalok kaniya.

Cross References

2 Samuel 15:5

Ug kon adunay usa ka tawo nga moduol kaniya aron sa paghatag ug katahoran, itunol niya ang iyang kamot ug kuptan siya, ug hagkan.

2 Samuel 17:25

Ug si Absalom nagbutang kang Amasa ingon nga pangulo sa kasundalohan puli kang Joab. Si Amasa anak nga lalaki sa usa ka tawo nga ginganlan ug Itra nga Ismaelinhon, nga naminyo kang Abigal nga anak nga babaye ni Nahas, igsoon nga babaye ni Zeruia, nga inahan ni Joab.

2 Samuel 18:29

Ug ang hari miingon, “Maayo ba ang kahimtang sa batan-on nga si Absalom?” Ug si Ahimaas mitubag, “Sa diha nga si Joab nagsugo sa imong sulugoon, akong nakita ang usa ka dakong kasamok, apan wala ako mahibalo kon unsa kadto.”

2 Samuel 3:27

Ug sa pagbalik ni Abner sa Hebron, gidala siya ni Joab ngadto sa taliwala sa ganghaan aron sa pagpakigsulti kaniya sa tago, ug didto gidunggab niya siya diha sa tiyan, nga tungod niana namatay siya tungod sa dugo sa igsoon ni Joab nga si Asahel.

1 Mga Hari 2:32

Ug ang Ginoo mopasumbalik sa iyang mga dugoong buhat ngadto sa iyang kaugalingong ulo, tungod kay sa walay pagpahibalo sa akong amahan nga si David, gipatay niya ang duha ka tawo nga matarong ug maayo kay kaniya, nga mao si Abner nga anak ni Ner nga tigmando sa kasundalohan sa Israel ug si Amasa nga anak ni Jeter nga tigmando sa kasundalohan sa Juda.

Salmo 55:21

Ang iyang pagpanulti hapsay pa sa mantikilya, apan gubat ang anaa sa iyang kasingkasing; ang iyang mga pulong lumo pa sa lana, apan diay inandam nga mga espada.

Mga Panultihon 26:23

Sama sa kasinaw nga nagtabon sa yuta nga sudlanan ang hamis nga mga ngabil nga may daotang kasingkasing.

Mga Panultihon 27:6

Kasaligan ang mga samad sa usa ka higala; naghingapin ang mga halok sa usa ka kaaway.

Jeremias 41:2

si Ismael nga anak ni Netanias ug ang napulo ka tawo nga uban kaniya mitindog ug gitigbas pinaagi sa espada si Gedalias nga anak ni Ahikam nga anak ni Safan, ug gipatay siya nga gihimo sa hari sa Babilonia ingon nga gobernador sa yuta.

Miqueas 7:2

Ang tawo nga diosnon nahanaw gikan sa yuta, ug walay usa nga matarong taliwala sa mga tawo; silang tanan nangatang alang sa dugo, ang matag usa kanila nag-ayam sa iyang igsoon pinaagi sa pukot.

Mga Maghuhukom 3:15

Apan sa diha nga ang katawhan sa Israel nagpakitabang sa Ginoo, ang Ginoo nagpatungha kanila ug usa ka manluluwas, si Ehud nga anak ni Gera sa kaliwat ni Benjamin, usa ka tawo nga walhon. Ang katawhan sa Israel nagpadala ug buhis pinaagi kaniya ngadto kang Eglon nga hari sa Moab.