2 Samuel 20:22

Ang Biblia 2011

Unya ang babaye sa iyang kaalam miadto sa tibuok katawhan. Ug ilang gipunggot ang ulo ni Seba nga anak ni Bikri ug gilabay kini ngadto kang Joab. Ug iyang gipatingog ang trumpeta ug mibiya sila gikan sa siyudad, ang matag tawo ngadto sa iyang puluy-anan. Ug si Joab mibalik sa Jerusalem ngadto sa hari.

Cross References

2 Samuel 18:16

Unya gipatingog ni Joab ang trumpeta, ug ang katawhan namalik gikan sa ilang paggukod sa Israel kay si Joab nagpugong sa katawhan.

2 Samuel 18:17

Ug ilang gikuha si Absalom ug gitambog siya ngadto sa dakong gahong didto sa kalasangan ug gipabarog sa ibabaw kaniya ang usa ka dakong tapok sa mga bato ug ang tibuok Israel nanagan, ang matag usa ngadto sa iyang balay.

2 Samuel 2:28

Busa gipatingog ni Joab ang trumpeta, ug ang tibuok katawhan nanghunong ug wala na mogukod sa Israel o makig-away pa sila.

2 Samuel 20:1

Nahitabo nga didtoy usa ka daotang tawo nga ginganlan ug Seba nga anak ni Bikri nga kaliwat ni Benjamin, ug siya mipatingog sa trumpeta, ug miingon, “Kami walay bahin kang David, ug kami walay panulundon diha sa anak ni Jesse; ang matag tawo ngadto sa iyang tolda, O Israel!”

2 Samuel 20:16

Unya misinggit ang usa ka maalamon nga babaye gikan sa lungsod, “Pamati! Pamati! Sultihi si Joab, ‘Dali ngari kay may isulti ako kanimo.’ ”

Ecclesiastes 7:19

Ang kaalam maghatag ug kusog ngadto sa tawong maalamon labaw kay sa napulo ka pangulo nga anaa sa usa ka siyudad.

Ecclesiastes 8:11

Tungod kay ang silot batok sa daotan nga buhat wala man himoa dayon, ang kasingkasing sa mga anak sa mga tawo hingpit nga nahiluna sa pagbuhat ug daotan.