2 Samuel 20:21

Ang Biblia 2011

Dili kana tinuod! Apan usa ka tawo sa kabungtoran sa Efraim, nga gitawag ug Seba nga anak ni Bikri, mibakyaw sa iyang kamot batok kang Hari David. Itugyan lamang siya ug ako mopahawa gikan sa siyudad.” Ug ang babaye miingon kang Joab, “Tan-awa, ang iyang ulo iitsa nganha kanimo ibabaw sa kuta.”

Cross References

2 Samuel 20:1

Nahitabo nga didtoy usa ka daotang tawo nga ginganlan ug Seba nga anak ni Bikri nga kaliwat ni Benjamin, ug siya mipatingog sa trumpeta, ug miingon, “Kami walay bahin kang David, ug kami walay panulundon diha sa anak ni Jesse; ang matag tawo ngadto sa iyang tolda, O Israel!”

2 Samuel 20:2

Busa ang tanang mga tawo sa Israel mibiya gikan kang David ug misunod kang Seba nga anak ni Bikri, apan ang mga tawo sa Juda mipadayon sa pagsunod sa ilang hari, gikan sa Jordan hangtod sa Jerusalem.

2 Samuel 20:20

Si Joab mitubag, “Ipalayo kana gikan kanako, ipalayo kana nga ako maglamoy o maglaglag!

2 Samuel 23:18

Si Abisai nga igsoon ni Joab nga anak ni Zeruia maoy pangulo sa 30. Ug gibakyaw niya ang iyang bangkaw batok sa tulo ka gatos ug gipamatay sila, ug nahimo siyang inila sama sa tulo.

1 Mga Hari 11:26

Si Jeroboam nga anak nga lalaki ni Nebat, usa ka Efraimhanon sa Zereda, usa ka sulugoon ni Solomon, nga ang inahan ginganlan ug si Zeruia, usa ka biyuda, mipataas usab sa iyang kamot batok sa hari.

2 Mga Hari 10:7

Sa pag-abot sa sulat kanila, ilang gikuha ang mga anak sa hari, ug gipamatay sila, kadtong 70 ka tawo ug gibutang ang ilang mga ulo sa mga bukag ug gipadala sila ngadto kaniya sa Jesreel.

2 Mga Hari 5:22

Ug siya miingon, “Ang tanan maayo. Ang akong agalon nagpaanhi kanako nga nag-ingon, ‘Karon may miabot kanako gikan sa kabungtoran sa Efraim nga duha ka batan-ong lalaki gikan sa pundok sa mga propeta, hatagi sila, ako naghangyo kanimo, ug usa ka talanton nga plata ug duha ka mahalon nga bisti.’ ”

Jeremias 4:15

Kay may usa ka tingog nga nagpahayag gikan sa Dan ug nagsangyaw ug kadaotan gikan sa Bungtod sa Efraim.

Jeremias 50:19

Akong ibalik ang Israel ngadto sa iyang sibsibanan, ug siya magsibsib diha sa Carmel ug sa Basan, ug ang iyang tinguha matagbaw diha sa kabungtoran sa Efraim ug sa Gilead.

Josue 24:33

Ug si Eleasar nga anak ni Aaron namatay ug ilang gilubong siya didto sa bungtod sa Gibea, ang lungsod ni Pinehas nga iyang anak nga gihatag kaniya didto sa kabungtoran sa Efraim.

Mga Maghuhukom 2:9

Ug gilubong nila siya sulod sa utlanan sa iyang panulundon sa Timnat-heres, didto sa kabungtoran sa Efraim, sa amihanan sa bukid sa Gaas.

Mga Maghuhukom 7:24

Unya si Gideon nagpadala ug mga sinugo ngadto sa tibuok nga dapit sa kabungtoran sa Efraim nga nag-ingon, “Panglugsong kamo batok sa mga Midianhon ug iloga gikan kanila ang mga tubig hangtod sa Bet-bara ug ang Jordan usab.” Busa ang tanang katawhan sa Efraim gipatawag ug ilang giilog ang katubigan hangtod sa Bet-bara, ug sa Jordan usab.

Mga Maghuhukom 9:55

Ug sa diha nga ang mga tawo sa Israel nakakita nga si Abimelek namatay na, sila namiya, ang matag usa ngadto sa iyang pinuy-anan.

1 Samuel 24:6

Siya miingon sa iyang mga tawo, “Ang Ginoo nagdili nga ako magbuhat niining butanga sa akong agalon, ang dinihogan sa Ginoo, sa pagbakyaw sa akong kamot batok kaniya, kay siya dinihogan sa Ginoo.”

1 Samuel 26:9

Apan si David miingon kang Abisai, “Ayaw siya patya, kay si kinsa ba ang makabakyaw sa iyang kamot batok sa dinihogan sa Ginoo ug walay sala?”