2 Samuel 20:1

Ang Biblia 2011

Nahitabo nga didtoy usa ka daotang tawo nga ginganlan ug Seba nga anak ni Bikri nga kaliwat ni Benjamin, ug siya mipatingog sa trumpeta, ug miingon, “Kami walay bahin kang David, ug kami walay panulundon diha sa anak ni Jesse; ang matag tawo ngadto sa iyang tolda, O Israel!”

Cross References

Genesis 46:21

Ug ang mga anak ni Benjamin mao si Bela, si Beker, si Asbel, si Gera, si Naaman, si Ehi, si Ros, si Mupim, si Hupim ug si Ared.

2 Samuel 15:10

Apan sa tago, si Absalom nagpadala ug mga sinugo ngadto sa tanang mga banay sa Israel, nga nag-ingon, “Sa diha nga madunggan ninyo ang tingog sa trumpeta, moingon kamo, ‘Si Absalom mao ang hari sa Hebron!’ ”

2 Samuel 16:11

Ug si David miingon kang Abisai ug sa tanan niyang mga sulugoon, “Tan-awa, ang akong kaugalingong anak nangita sa akong kinabuhi, unsa pa kaha karon kining kaliwat ni Benjamin? Pasagdi siya ug pasagdi nga siya magtunglo kay ang Ginoo nagsugo kaniya.

2 Samuel 16:7

Ug si Simei miingon samtang siya nanunglo, “Pahawa, pahawa, ikaw nga tawo sa dugo ug tawong walay hinungdan!

2 Samuel 18:17

Ug ilang gikuha si Absalom ug gitambog siya ngadto sa dakong gahong didto sa kalasangan ug gipabarog sa ibabaw kaniya ang usa ka dakong tapok sa mga bato ug ang tibuok Israel nanagan, ang matag usa ngadto sa iyang balay.

2 Samuel 20:2

Busa ang tanang mga tawo sa Israel mibiya gikan kang David ug misunod kang Seba nga anak ni Bikri, apan ang mga tawo sa Juda mipadayon sa pagsunod sa ilang hari, gikan sa Jordan hangtod sa Jerusalem.

2 Samuel 20:22

Unya ang babaye sa iyang kaalam miadto sa tibuok katawhan. Ug ilang gipunggot ang ulo ni Seba nga anak ni Bikri ug gilabay kini ngadto kang Joab. Ug iyang gipatingog ang trumpeta ug mibiya sila gikan sa siyudad, ang matag tawo ngadto sa iyang puluy-anan. Ug si Joab mibalik sa Jerusalem ngadto sa hari.

2 Samuel 23:6

Apan ang mga daotang tawo sama sa mga tunok nga gisalibay, kay sila dili makuptan pinaagi sa kamot;

1 Mga Hari 12:16

Ug sa pagkakita sa tibuok Israel nga ang hari wala mamati kanila, ang katawhan mitubag sa hari, “Unsay bahin namo kang David? Kami walay panulundon sa anak ni Jesse. Sa inyong mga tolda, O Israel! Tan-awa karon ang imong kaugalingong balay, David.” Busa ang Israel namauli ngadto sa ilang mga tolda.

1 Mga Hari 21:10

ug pagbutang ug duha ka daotang tawo atbang kaniya ug papasakaa sila ug sumbong batok kaniya nga mag-ingon, ‘Ikaw nagtunglo sa Dios ug sa hari.’ Unya dad-a siya sa gawas ug batoa siya hangtod mamatay.”

2 Cronicas 10:16

Sa pagkakita sa tibuok Israel nga ang hari wala mamati kanila, ang katawhan mitubag sa hari, “Unsay bahin namo kang David? Kami walay panulundon sa anak ni Jesse. Ang matag usa kaninyo ngadto sa inyong mga tolda, O Israel! Karon tan-awa ang kaugalingon nimong balay, David.” Busa ang tibuok Israel namiya ngadto sa ilang mga tolda.

2 Cronicas 10:6

Unya si Hari Rehoboam nagpakitambag sa mga tigulang nga nagtindog sa atubangan ni Solomon nga iyang amahan samtang buhi pa siya nga nag-ingon, “Unsay inyong ikatambag kanako nga maoy akong itubag niining katawhan?”

Salmo 17:13

Tindog, O Ginoo, atubanga sila, buntoga sila! Luwasa ang akong kalag gikan sa daotan pinaagi sa imong espada,

Salmo 34:19

Daghan ang mga kagul-anan sa matarong; apan ang Ginoo magluwas kaniya gikan nianang tanan.

Mga Panultihon 25:8

ayaw dayon dad-a ngadto sa hukmanan; kay unsa may imong buhaton sa kataposan, sa diha nga ang imong silingan magbutang kanimo sa kaulawan?

Mga Panultihon 26:21

Sama nga ang mga uling alang sa abo, ug ang kahoy alang sa kalayo, mao usab ang palaaway nga tawo alang sa paghaling ug panagbingkil.

Marcos 3:24

Kon ang usa ka gingharian nabahin batok sa iyang kaugalingon, kana nga gingharian dili makabarog.

Lucas 19:14

Apan ang iyang mga katagilungsod nagdumot kaniya, ug siya ilang gipasundan ug mga tawo aron sa pag-ingon, ‘Dili kami buot nga maoy maghari kanamo kining tawhana.’

Lucas 19:27

Ug mahitungod niining akong mga kaaway nga dili buot nga ako ang maghari kanila, dad-a sila dinhi ug patya sila sa akong atubangan.’ ”

Juan 13:8

Si Pedro miingon kaniya, “Dili gayod ako magpahugas kanimo sa akong mga tiil bisan kanus-a.” Si Jesus mitubag kaniya, “Kon dili ikaw magpahugas kanako, wala kay bahin kanako.”

Deuteronomio 13:13

may daotang mga tawo nga nanggula gikan sa taliwala ninyo, ug nagpahisalaag sa mga nagpuyo sa ilang lungsod, nga nag-ingon, ‘Mangadto kita ug mag-alagad sa lain nga mga dios,’ nga wala ninyo mailhi,

Mga Maghuhukom 19:22

Samtang naglipay sila sa ilang mga kasingkasing, adunay mga tawo sa siyudad, mga daotang tawo, naglibot sa balay nga nagpukpok sa pultahan. Ug sila miingon sa tigulang, ang tag-iya sa balay, “Pagulaa ang tawo nga miabot sa imong balay aron makaila kami kaniya.”

Mga Maghuhukom 3:27

Sa diha nga miabot na siya, iyang gipatingog ang trumpeta didto sa kabungtoran sa Efraim. Ug ang katawhan sa Israel milugsong uban kaniya gikan sa kabungtoran, ug siya ang nangulo kanila.

Ruth 2:3

Busa siya milakaw ug miadto ug nanghagdaw didto sa uma sunod sa mga mangangani ug nahitabo nga siya miabot sa bahin sa uma nga iya ni Boas nga sakop sa panimalay ni Elimelek.

1 Samuel 13:2

Si Saul nagpili ug tulo ka libo ka tawo gikan sa Israel; ang duha ka libo didto uban ni Saul sa Mikmas ug sa kabungtoran sa Betel, ug ang usa ka libo didto uban kang Jonatan sa Gibea sa Benjamin, ug ang uban nga mga tawo gipapauli niya ngadto sa ilang tolda.

1 Samuel 2:12

Ang mga anak nga lalaki ni Eli mga tawong walay kapuslanan, sila walay pagtahod sa Ginoo.

1 Samuel 30:22

Unya mitubag kadtong daotan ug walay batasan nga mga tawo nga uban ni David, ug miingon, “Tungod kay wala man sila mouban kanato, dili nato sila hatagan ug bisan unsa sa inilog nga atong nabawi. Hinuon ang matag tawo mahimo nga modala sa iyang asawa ug sa iyang kabataan ug molakaw.”